يبسمه انته
وشفايفنه عتـﮓ بيها الحـﭽـي من يومنه لـهسَّه
يَفرْحَه انته
وحزنَّه اتلول يتفلَّش لِوَنْ صفناته اتجسَّه
يكلشي انته المضه والجاي والهسَّه
يزود الزود يلحـﭽـَّاي وحلو ﮒ الزلم خرسه
يضاحك والسيوف افياي فو ﮔـك والحرب شرسه
معلِّم والزمن تلميذ عندك يحفظ بدرسه
شريد أذكر....شريد أنسه
علم مولاي انته الباب
شرف بيك الشرف ما غاب
شجاعة الما شهد بيها منافق حاقد و ﭼـذَّاب
علي باسمك هتف جبريل يدوي بكل إذن حسَّه
علي والضدك وعاداك
خل ينشد أبوه منين ويراجع أصل رسَّه
علي ما جاع طير الحوم من لحم الزند عسَّه
علي الما لمَّته اسوالف ولا واحد وصف نفسه
علي آية علي ثايه علي للكون تـﭼـَّايه
علي كلشي ...علي بيه الفلك يمشي
علي بَسمه ....علي نَسمه
علي منَّه الشمس تخجل إذا يوم افتره ضرسه
علي الإنسان ، والإنسان شحيح اليوم بالساحه
علي الدنيه الـﭼـبيره تلوذ بجناحه
علي النِهْرَان من تعطش يروِّيها دمه اجراحه
(طلج) ما مش ولا خيَّال (طلج: مأخوذة من لعبة المحيبس )
بس شخصك يداحي الباب خيَّال اعتله فرسه
الشاعر أبو محمد المياحي
الشاعر أبو محمد المياحي
العرض المتطور
