[على العاشق]

مجنون العشك والي يحب مجنون
شوف اشلون كلها الناس محتارة
بحر من العذاب وكانا نسبح بيه
حسبالك سباق وبيه كلنا نتبارة
نحب بلا سبب وبشكل مو معقول
غيرة وحزن ضحكة ودمعة تتجارة
ليش الي نحبة نشوف بيه العيب
بس انكول ماكو العين غدارة
وليش الي نحبة لو ضحك لحظات
نحس الدنيا عيد واجمل ابشارة
واذا يبجي اويلي من ادموع النسولن
واذا يبجي يصير العيد جن عاشور
نحس حتى السما بالحزن مطارة
ليش وليش نسال ما نلاكي ردود
صندوق العشك من يكشف اسرارة
داعيكم يحب والعشك لاعب بيه
يريد يصير شاعر والكم اشعارة
بس كلش قوي ومسيطر وحباب
ابد ما ظاع دربه وتاه مقدارة
وانطيكم مثل عني وشوفو شلون
بالحب مثلي ماكو وكلبي حجارة
مرة اني احلفت زعلان اظل للدوم
واخليها تظل للدوم محتارة
وابشركم بظل من خابرت رديت
بس كالت الو حضرت كفارة

تحياتي لكم

العاشق

[ايمان حسيني]

داعيكم يحب والعشك لاعب بيه
يريد يصير شاعر والكم اشعارة
بس كلش قوي ومسيطر وحباب
ابد ما ظاع دربه وتاه مقدارة
وانطيكم مثل عني وشوفو شلون
بالحب مثلي ماكو وكلبي حجارة
مرة اني احلفت زعلان اظل للدوم
واخليها تظل للدوم محتارة
وابشركم بظل من خابرت رديت
بس كالت الو حضرت كفارة

يشرفني اكون اول الردود القصيده جميييييييييييييله جدا وخاصه اللي اقتبسته ضحكني لاهوايه قوي ومسيطر بالحب هههههههههه
الله يسعد كل الناس وميجيب زعل لاحد

[على العاشق]

اقتباس : المشاركة الأصلية كتبت بواسطة ايمان حسيني [ مشاهدة المشاركة ]

داعيكم يحب والعشك لاعب بيه يريد يصير شاعر والكم اشعارة بس كلش قوي ومسيطر وحباب ابد ما ظاع دربه وتاه مقدارة وانطيكم مثل عني وشوفو شلون بالحب مثلي ماكو وكلبي حجارة مرة اني احلفت زعلان اظل للدوم واخليها تظل للدوم محتارة وابشركم بظل من خابرت رديت بس كالت الو حضرت كفارة يشرفني اكون اول الردود القصيده جميييييييييييييله جدا وخاصه اللي اقتبسته ضحكني لاهوايه قوي ومسيطر بالحب هههههههههه الله يسعد كل الناس وميجيب زعل لاحد

شكرا اختي واتشرف بان تكوني اول من يرد
لاهوايه قوي ومسيطر بالحب
من الي بلا عقل الي يسيطر ليش انتن خليتو عقل
شنو الان ممبين علي مسيطر هع هع
شكرا الك ولمرورك الجميل
العاشق

[(خادمة الرضا)]

مشكور
ويعطيك العافيه
كلمات جدا جميله

[على العاشق]

اقتباس : المشاركة الأصلية كتبت بواسطة (خادمة الرضا) [ مشاهدة المشاركة ]

مشكور ويعطيك العافيه كلمات جدا جميله

شكرا اختي لمروركي الجميل

[نور المستوحشين]

راااائع أخي الكريم ...يسعدني أن ارى نجمكم لامعا في سماء قسم الشعر

كلماتكم بسيطة ومعبرة فمن منا لايعيش الحب فنحن نحب آبائنا وأبنائنا وكل من حولنا
ولكل منهم محبة مختلفة عن نظيره وربما نكون في غربة تبعدنا عن أهلنا وذوينا ونعيش ألم الفراق وأمل اللقاء وقد وقد و و و

بانتظار المزيد من مشاركاتك

تحياااتي نور...

[عادل الناجي]

هذي الكلمات اذتني واتمنى لو تحملو شويه مني
لان بعد ما اكدر اتحمل اكثر
شرد اگلك عالوضع شنهي الجديد ..
انته يا بيت التطبله وما كو بيه صورة شهيد ؟!
شرد اگلك ..عن رياضي العاف اهله ..
ابخير .. وبصحه .. وسعاده ..
ورايح ايمثل بلاده ..
ومن رجع ما شاف واحد .. شاف بس كومة حديد
وبيته طايح فوگـ اهله
وما مصدگـ .. مدري وهواس ابخياله
وناس غربه .. وعدهه غيره .. وطلعوا جثة جهاله
وياهو ليروح ويگله ؟؟
ايگله بس انطيني مهله ..

وشرد اگلك عالوطن ما بيه امان ..
انه سامعهه بوكت ما كان .. كان
چانت امي بزغري انه .. اتسولف القصه وانام
اتعودت كلما انام
يمه .. وعفيه يمه القصه اريد
ورايد اسمعهه ابحنان .. يمه كلهه ومن جديد
وشرد اگلك واحد امتاني العزيز
يمته يرجع ؟ يمته يوصل ؟
ومن وصله الخبر ميت !!
راد يصفگـ ايد بيد ... وما گَدر ما عنده ايد !
ما ملك بس ايد وحده .. وبس دمع جاري اعله خده ..
وشارد امن الدنيه شرده ..
جاي تسألني شتريد ..؟
جاي تسألني شگلك .. شنهو اريد وما اريد
انه اريداً كلشي اريد ..وكلشي منك ما اريد !
انه اريد لكل فقير اتصير بسمه ..
وترسم فوگـ الشفايف
وانه اريد لكل يتيم ايردله حلمه
وما ينام وهو خايف ..
وانه اريد لكل مواطن عنده كلمه
وتنحچي ابوكت السوالف ...
ما يخاف ..
انفكر احنه اشوكت نسمن ؟ .. واحنه كاتلنه الجفاف

واحنه وصلتنه المجاعه
وناس ملتهيه ابنواط الشجاعه
انه اريد .. النوط نفسه .. وكون ينطونه لفقير
بس اريد انبدل اسمه ...
وبشرط نوط القناعه ..!!
وشرد اگلك عالمصايف ..
ناس مصيفهه البحار .. وناس مصيفهه بالجوادر
وناس نامت عالخضار .. وناس ماتت عالمنابر
ناس تفتر ابمنزه .. او حديقه
وناس تفتر بالمقابر
امريه حجيه خطيه ..
والوكت حيه دفنهه ..!!
وجايه ادور اعلبنهه ..
وشرد اگلك ..
عن ابنهه اشلون مات ..؟
گاعده وتدعيله يرجع بالصلاة
وهيه سمعت صوت باب اندگـ عليهه ..
وركضت ابلهفه تفتحه ..
وسلموهه أبيديهه اوراق الوفاة
انته ما تدري ابوضعنه ..
جاي تسألني شتريد ..؟
انته يا بيت التطبله ...
عود ماكو بي صورة شهيد ..؟!

واليرحم الله اخونا الشهيد سيد ع