|
|
عضو نشط
|
|
رقم العضوية : 27202
|
|
الإنتساب : Dec 2008
|
|
المشاركات : 245
|
|
بمعدل : 0.04 يوميا
|
|
|
|
|
|
المنتدى :
المنتدى الثقافي
عليك انت
بتاريخ : 16-03-2009 الساعة : 01:42 AM
عليك انت
عليك انت كبل يامة حجولي الناس
كالولي بصحبتة ابد ميملك
ازداد شتياقي لشوفتك بالروح
ونذرت سنين عمري لخاطراندلك
من شفتك شفت ليل وكمر ونجوم
والنجمات تضوي وتزهي من ضلك
هَمَت بيك روحي وبطلت احزان
ومقصر (احبك) كلبي لوكَلك
يل حسنك لغز حير جميع الناس
حتى الكون حار وماعرف حلك
ياطيب وحنان ورقة بالاحساس
ماشفت بحياتي شخص يوصلك
من جرحك تداوي جروح بيها جروح
وتتحمل جرح لوجان من خلك
لو ذبني العطش وانة بفراش الموت
ترد الروح بية بدمعة من كحلك
شاعر ماصرت لوما حجيت وياك
معذورة القوافي اشعار تمطرلك
هاك اخذ الكلب خلة اسير وياك
لان تدري الكلب دك ونبض مثلك
اذا طيفك يمر مره غريب بدار
صدكني الشمع عشرتهن اشعلك
يضل عمر النخل مادنك الفلاح
بس انت النخل مجبور ينزلك
صفت عندي المشاعر عود والفنان
من الحان كلبي اشكال تعزفلك
دنيا انت ومحطة يمر عليها الريل
يخلص من همومة كلمن ايحلك
كفكفت الدموع وقررت وياك
دروب المحنة شموع انطرلك
واذا تسئل احبك انت تدري ليش
لان كلك حلو يا احلى من كلك
تحياتي
الموسوي
|
|
التعديل الأخير تم بواسطة الموسوي2009 ; 16-03-2009 الساعة 01:51 AM.
|
|
|
|
|
|
العرض المتطور
