[خالد محمد مهدي]

((قصيده بحق المختاربن عبيد الثقفي))
(( مُسِّر العتره))
**--------------**
يامُسِّر العتره افراحــــــــــي بدت ** يوم صَك السيف والحق أنتصر
ردّدت هيهات أبو اليمــــــه وثِرت** ألك شهدت سوح بشموخ الظفر
چنَّه رحّاله بوسط بحـــــر الحزن **بظلِمته وجهك طلع شبه الگمــر
صارت الفرحــــــــه دمع متناثره **وچانت الدمعه يحاوطهه الخطر
القياس الچــــــان السيف أو رمح ** وأنته چف يمناك بالعدل أنتصر
وياك ملك الموت ميزانــك عدل **من الطغاة بصولتك ماظـــل أثر
القصاص وياهم أعدل محكمــــه **سيف عَدل العَدِل يومك أنتظـــر
من رسمتهه ثوره خطّيت الحدود** بثورتك راويتنــه دروس وعِبـر
خذت حيف عيون ماعرفت تنام**وحسره ظلَّت شابگه آهات وقهـر
يوم فجرك دمدم أعليهم غضب ** الله أيده ويـــــــــاك يمشبِّع سقـر
منو مثلك جبر گلب وخاطــره **أنتــــــــه يامختار من للعتره سَـر
أبين جفّينك جبت ألنه الشمس ** منو مثلك عِله راسه بهل الفخـــر
صار ألك شبّاج يم نور السفير** تضحيات دماك ماراحت هــــدَر
ألك لجل حسين صبر وعنفوان** صار منك يستحي حتَّـــــه القدر
الناصبه ماغيِّرت بس الجلال ** الشمر سيفه رد تســــلِّط عالنحَر
خلّي تبقه الناصبه تضمر حقد ** باچـــــر أنراويهم الموت الحَمَر
وحنه نبقه أندافع وندفع مهور **الاجل حُبنَه أو وعَد يوم المنتظر
************************************************** *
((التوقيع))
هنانه جنَّــــة الحسين
جنَّـــــة البرزخ حسين
جنـة المحشـــرـ حسين
أنموت وحِيَتنَه محبِتَه
خدّام صَحنَه وكبّتَـــه
//////////////////
زوّاره أيتلكاهــــــم ** يعدني واحد وياهم ** كتب اسمي
حسبهم ماجزه واحد**حبيب بصفّه متواجد** كتب اسمي
اسم كل واحـــد يزور
بسجلّه انكتب من نور- كتب اسمي
بعد شطلب وأتمنّــه
قبلنــــــي سيد الجنّه
كل هذا الفضل منَّه
يفجروني ويذبحوني
عنّه ما يمنعونــــــي
ويَّه حسين خلّونـــي
لو أحتـــرك لو أنذر
الف مرَّه وبعد أكثر
ثابت حبَّــــــه متغيَّر // سره بدمّي
أمشـي دروب لمنيا ** يميني رافع الرايـه ** كتب اسمي
تسابك خطوتي جدامي ** وشوفن كلبي كدّامي ** كتب أسمي
بشارة فرح وسرور
بسجله أنكتب من نور ** كتب اسمي

[عبدالله خلف العتابي]

السلام عليكم
المبدع والاخ العزيز
خالد محمد مهدي
رائع واكثر من رائع
وكلمات بعطر الورد
تفوح وتنطق صدقا
موفق لكل خير تقبل
مروري المتواضع
تلميذك المبتدا
عبدالله العتابي

[صفاء العامري]

موفق اخي العزيز قصيده رائعه

[خالد محمد مهدي]

بسم الله الرحمن الرحيم
شرَّفني مروركم واسعدني
شكرا // ممنون
الخادم

الخادم أن شاء الله
((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
**********