|
|
عضو برونزي
|
|
رقم العضوية : 52
|
|
الإنتساب : Jul 2006
|
|
المشاركات : 1,376
|
|
بمعدل : 0.21 يوميا
|
|
|
|
|
|
المنتدى :
المنتدى الثقافي
سهره مع إبليس
بتاريخ : 11-09-2006 الساعة : 01:49 AM
قـصـــ روووووعة ـــــيدة
سهره مع إبليس
قبل كم يـوم ليـلة واحـد أبشعبان مثل كل يـوم أقـضي ليلتي سهران
أبـحر للنجوم وأنـطر نـجم سعدي وتضجور بي بعـيني والسـعد ما بان
وعلى طبـعٍ صحبني مـن صغر سني أقضي الليل بـين مـهافت الأوزان
مرة أبكـي علـى حـالي ومـرة أتغنى غنى العايـش أبقربة مو غنى الطربان
وأنـا ويـا القوافي منـاور أعلى الآه وعلى ضيم السفـينة الفقدة السفان
وقبل مـا أبدي وأكبت صدر أول بيت لن طـارش لـفاني طـوح أبركبان
من هـو أنت وش جابك أبـهذا الليل قال إبليس أنـا جيـت إليك سلوان
قتـلة وقت أمش مـن لعـنة الله عليك يـا لفرقاك عيـد وشـوفتك أحزان
أبو مره زعل منـي وخـزرني بغـيض مثل الذئـب المعضـلة وخزر زعلان
قـال وش عندي أنـا وياك يـا بن آدم علي تـرمي الشـتايم وللـعن ألوان
تعال أقـعد وخلنـا نتـحاسب أنا وياك وما بينـي وبينك يـحكم الوجدان
أنـا البـاري أمـرنـي أسـجد لآدم ومـا نـفذت حـكم الخالق الديان
قلت يـا ربـي أنـا أسجد لـوجهك لكن كلفة عليه مـا أسـجد الإنسان
أخـلقة آدم يـا ربي بقدرتك من طين وأنـا ألي خلقتني من سنـا النيران
غضب رب الجـلالة وقـال روح أبعد وطـردني من العبودية ورحت ندمان
هذي قصـتي ويـا لبـاري يـا بن آدم هنـوبه أرجـع لقصتك يا أبو فلان
مـن قـابيل أبديـهـا لقـتل هـابيل أشلون أنسفك دمه ذولى موش أخوان
هـم أنـا القلت يـا نـاس عبـدوني مثل فرعون وتـحدى قـوى الرحمن
هم أنـا الـردة أغـدر نـبـي موسى يوم ألي قلـب ذيك العـصا ثـعبان
هم أنـا الـردة أغـدر نـبـي يونس مثل أخوتـه تـالي تـهموا السرحان
هم أنـا الـردة أصلب نـبـي عيسى على ذاك الصليـب إقبال أهل نجران
هم أنـا الجبت وحـشي على الحـمزة وكلت كبـده مثل زوجـة أبو سفيان
وحـق رب التـعبدة الناس يـا بن أدم شفت منك مصـيبة أتشيب الرضعان
أبـن بضعت نبيك طـاح بـأرض الطف وجسـمه أبـلا كفن وتكفن أبتربان
وبني جنسه اعتنت من كل مهب وصوب وصدر حسـين صـار لخيلهم ميدان
وعقب قتـلة أنـحمل فوق الـرمح رأسه وعلـى أيـتام وحرايـر حرقـوا الصيوان
هم أنا القلت أقـطع نزاع القـوم يا حرملة وروح أقـــتل طـفـل عـطـشـان
هـم أنـا سبيت أطـفال فـوق النـوق ويسـيرة بنت علي تـوقـف وسط ليوان
أشكـثر من عـقب قتل حسين أهل بيته شـافت مـحن وهـموم وقصص وأحزان
أشكـر ربـي لأنـه خلـقنـي إبلـيس ومـا سـواني واحـد من بنـي مــروان
مـا أروي لك وش عملة بنـي العـباس مـا أروي لك وش عملة بنـي العـباس
مصائـب لو إن أذكـرهـا المقام أيـطول ومـن هـمها يطيح أعلى الأرض كـهلان
أنـا أدري أشتـريد أتـقول يـا بن أدم تـقـول الـظـلم ولا ونتـهت أزمـان
وحنـى بـالتـطور والعـلم صـرنـا وراح الـجهل وهـلة وقـوض الطـقيان
يـا طـقـيان هـذا الـراح يـا بن أدم راح الـروس يـا لي هـدمـة الشيـشان
يـا دولة الـذي مـابيها ضـيم وجـور ويـا هي الي يـا خذك عنـها هو النسيان
بـالهـند المـجاعـة أتـريد تنـساهـا لـو حـرق الـمساجد بـأرض باكستان
لو تنـسى الـمذبـحة قـبل يـومـين وبشـيعة علي وش عمـلة أفـقان إستان
أش تنـسى البوسنـة لو مذبـحة قانـا لو تـنسى المآسي الـجرة بالسودان
لو تنـسى اللقـيطة التـسرح وتـمرح مـا بيـن الـجنوب وهـبة الـجولان
لو تنسى العراق وش حل عليه من جور وبـسجـن الطـواقي تـرزح الشـبان
يـا لوعـة ومصيبة أتـهون يـا بن أدم ويـا هـي مـا تسـجر بالقلب نـيران
الأسرى من الكويـت أتـريد تنـساهم لـو تنـسى الغـزو ألي حـير الأذهـان
أش تنـسى المجزرة ألي حصلت بفلسطين لـو تنـسى ليـهود ألي حرقـوا القرآن
منـين أتـخاف يا بن أدم وليش أتـخاف هـذا أنت الـذي ربك رفـع لك شـان
تـخاف من اللقـيطة دولـة إسـرائيل طلـعت بالـمذلـة مـن أرض لبـنان
أزعلت كنـك كلامـي مـا يصرفلك طبـعك هـذا طبعك يـا بنـي الإنسان
كل هـذا وتسـميني اللـعين إبـليس وتصـير أنت الوفـي وأنـا أنحسب خوان
أختـمـها بـعد ويـاك يـا بـن أدم كنـك ما تـري لسهـرتـك سلـوان
لكن عـندي وصـيه ويـاك من تلعن ألعـن نفـسك ولا تلـعن الشـيطـان
للشاعر الاديب جابر الكاظمي حفظه الله ورعاه
[IMG] [/IMG]
| |
|
|
|
|
|
العرض المتطور
