بسم الله الرحمن الرحيم
افلح من صلى على محمد وآل ِمحمد
يمته أشوفك
يمته أشوفك ياكمر عن عـيـني غايب * يـا حـبــيـبـي يـا أعـز كـل الـحـبـايب
يمته أشوفك ياضوه العـيـن إو أملهه * يمته أشـوفـك يا أمل وبروحي ذايب
يمته أشوفك يـاهوى الدنيه إو أجلهه * كلبي دمعـاتي كــبــل دكّـاتــــه جايب
ترضه مـانـام اللـيـالـي يـاإللي نـورك * ما يفارك روحي تـِنـْحَـب كلبـي لايب
أحسب إسنين إو ليالي يمـته أشـوفك * وإنت تعـرف مايـِخـَيـبه الظني خايب
لوله نورك مـا أظـن يـضـوي نهاري * وإنتَ شمسي ياحياتي تِصْـفـَه غايب
عـن عـيـون الخـلك التـذنـب دريـتــك * ما تـشـوفـك عـن ضواك الغـيـم نايب
إنـتَ تـدري آنـه مــا أنـســـه ذنـوبـي * بس وحق جدك تـبـت هـذا آنـه تايب
يمته أشوفـك وإنت تـدري بـالجـرالي * هذا مو حالي اللي يشـكي من نوايب
مرت إعله اللي يحبونك وإنت شايف * ياهُ منـعــدهـه أشـتـيكـيـلك والمصايب
شَيَّـبـَتـنـي والـدمـع يـحـي الضـمايـر * حركه للفركه وشـَعْـري شوفه شايب
فاضل الطينه إنـخـلـقـنـه منـكـم إحنه * شيعة الأطياب إوبـيـكم ونـْهـه صايب
جدكم السمانه شــيـعـه وحــنـه حقنه * نستحقه إنـوالي حـيـدر إسـمه هـايب
هابه كـلـمـن مـا يـخـاف الله وناصُب * للـيـوالـي غـدره وحـقـاده إبـســبـايب
إلكلب من يقسـي يعـمه موعـجـيـبـه * عل أثـر تعـمه عـيـون إو مو غـرايب
قربه لله إو غـصب يـهــمـي دمعــنـه * والنظر إلنه إو يـعـادي إبـفعـله عـايب
مايهمنه إشــذبّحوا إبـديـن إو عـقيده * إحـنـه نـفـدي دمنه ولحـبـنـه ضرايب
يمته شُـوفـك وكْـحَـل الـنـاظـر بنظره * طلـعـتـك طلـعـه رشـيـده ملـهــه نايب
من هـو وينوبـك وغـره أنـت حميده * إحنـه ننـتـظرك دهـور إو مـو عجايب
إلركــبــنــه خَـطـَّـت أنــواع الـكـلايــد * شونـْمِلت جور إوظلم بس حكنه غايب
يمـتـه تـظـهـر رحـمــه إنـتَ للموالـي * واللي دمعـه إتشـوفـه بالحسره وتايب
يمته شـوفـك وسـولـفـلك وبـْدِموعـي * كل مصـيــبــه نـنـصـب إلمأتم نـَحـايب
ورد أكـلك ســيـدي أبــجــي ويـبـجـي * إلشـوفـتـك شــيـعـه خوانـي والكرايب
وحنه نـلطم كل عُـمـرنـه إونـاذريـنــه * ألجدك إلظامي الـغـريب إعـله تـرايب
إنظر الدمعـي يـجـيـبـك عـن هـمـومي * ما إجـه هم جالسـبـي إويـوم الخرايب
الخـرابـه إلـبـلوصـايـف جـت هـنـدكـم * تنشـد النسـوه خوارج حـظــنـه جايب
كالت إلـهـه إمن المـديـنـه تره إحـنـه * يا مـديـنــه كـولـي ريـحـيــنــه نِـجايب
إحنه من طيـبـه المديـنه إلي تـِنـَورت * من رســـول الله إجــاهـــا بـالحـبــايب
أنـْشِدِج عن عز فخـرنـه إل هذبـوني * طـعــمـونـي وســهـرت لـيـل الرغـايب
عن أمـيـر المـؤمـنــيـن آنــه نشـدتـج * فاطمه أشــرف نـَســب لإكفء نسـايب
كولي عـن بـيـت الرسـاله إشـدريـتـي * إلحسـن شـمسـه رحـيـمـه نـوره ثايب
وإنت ِنور حسين ويـاهو الدنـه نـوره * البـدر يـوم الـتــمــام إلـحَـــبّـــه صايب
صَـوّب الــدلال وهَـــنــدس للـخـلايـق * ذِكْـرَه للأحـرار دمـع وبـصــبــره طايب
إو زينب إتـعـرفـيـهـا زيـنب هَـيـبــتـي * هـايـه مـولاتـي إلأمــيــره ملـهــه نـايب
يـاهـِنـِد هـاذا آنــا زيـنــب إذكـريــنــي * والحزن داهـمــنــي بـســهـامـه كـتـايب
يا هند حـقـّج نسـيتي إل غــيْــيَــرَتـْهـا * المـصـايـب من ذبـح وأســر إوعـجـايب
موعجيبه حسين شِرَه حبّنه إودمعـنـه * عل رمـح راســه بــدر بـالـدم خـضـايب
لمّه سـمعـت مِنـْهـا هِـنـْد إوشافت إلدم * إمْخَـضِـب إحسـيـن بجـت لِعْـنَـتْ ياغايب
يمته شـوفـك سيدي إو نورك حـيـاتي * يـمـتـه تـظهـر تــثــأر إل بــالـدم و ذايب
روحي فدوه إلإسـمه ولـدمعـاتـي آمـر * يـمـتـه شـوفـك يـاكمر عن عـيـني غايب
الحاج أنور ناده علي
كل عام وانتم بألف خير والله يجعلكم من أنصاره وأعوانه
يمته شوفك
العرض المتطور
