|
|
عضو جديد
|
|
رقم العضوية : 55358
|
|
الإنتساب : Aug 2010
|
|
المشاركات : 2
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
نافور الوفه
بتاريخ : 22-08-2010 الساعة : 02:48 AM
اهي ثوره عشك بين الشرف والموت ياهنياله الشرف بلموت يتحرر
مو عطشان لاكن العطش عطـــــشان مايعطش نهر لو ساحله تفطر
عاين ع الكمر من صحن ابو السجاد من دخان كبته الكون يتــــعطر
علم شايل علم ظـــل الكمر على الكاع كص اجفوفه خاف تصافح المنكر
نافور الوفه انــــــــــــــكطع بيه الماي واتخيل وشوف الصار واتصور
رفع راسه الكمر وترخص الفرودس حمل نهر الفرات وانزل الكوثر
اثاري الماي يخجل يطلع من الجود ذكر طفل الحسين ولوعه الخدر
سبع اللوان تمد قوس ع العباس تمطر عينه ثوره وينولد منبر
احبك بعدد خطوات المشو لحسين وبكد بوسات شبابيك يلمعتبر
اجيتك بس جسد وروحي عفته وياك وانكلبت حمامه بحضرتك تفتر
ردت الزمه كالت شوف ظلك وين عاينت اعله ظلي بظلك اتبسمر
ذوبني بغرامك بلكي بلكي ارتاح حتى انسى القلم والشعر والدفتر
حالف مارد للـــــــــغزل فد يوم كالولي كفر ياشاعر اتحذر
اذا انت الشعر شنوه الحرام البيك كفاره العمر لو انطيه مااخسر
يامترجم قضيتك للوفه للناس ياعباس يل بيك الفخر يفخر
صور الحيدر ويمه اسد مطروح لامواسد عباس بلمنظر
شافت نور وجهك ريشت الرسام خجلت عوضت عنه باسد هزبر
مثل المر عليكم مره علينا الان بس مثلك جذب مولاي يتكرر
قصفو مدرسه وابتسمت اسرائيل ولمت روحه وجلد الارض كزبر
اكلك ليش جامعهم ثبت ماطاح يشهد بلصلات ونعم للولي حيدر
..
..
|
|
التعديل الأخير تم بواسطة نسايم ; 22-08-2010 الساعة 05:11 AM.
سبب آخر: تكبير الخط
|
|
|
|
|
|
العرض المتطور
