|
|
مــوقوف
|
|
رقم العضوية : 52611
|
|
الإنتساب : Jul 2010
|
|
المشاركات : 1,969
|
|
بمعدل : 0.38 يوميا
|
|
|
|
|
|
المنتدى :
المنتدى الثقافي
قصيده (ابحب احسين نتوحد)
بتاريخ : 17-12-2010 الساعة : 10:36 PM
ضريح احسين واحد ماممكن اثنين *** بس احنه زواره اهواي ننعد
وربك اختار لاصلاح دينه احسين *** واحنه ابحب احسين نتوحد
جنت جاهل ازورك وما اعرفك زين *** هسه اعرفت حبك كمت من نفسي اتشرد
صار مزروع حبك ابكلبي يحسين *** اذا ماازورك ابروحي اتوعد
وما انطرح يم عدوان لحسين *** اشلون انطرح يم عدوان احسين واتمدد
وكبتك تضوي والرايه نور *** واني جاي ازورك وهدمي اسود
وكبتك معجزه ابنص كربله *** تضوي كربله وطك فرقد ابفرقد
وفراشة نور ادور ابحضرة احسين *** مره اتحط علضريح ومره تتعبد
ومره اتبوس ابضريح احسين *** ومره اتبوس زواره وتوكف عللخد
وصحنك بحيره اتهيم بيه الروح *** والنوارس اتعين الما عنده احد
ودموع النوارس وي ادموع زوارك *** سالت بالدمع نهران مااله حد
وعل الضريح بوسات زوارك *** منقوشه صور عل الشباج تجمد
وشفايف زوارك عل الشباج مرسومه *** ويلمه نور وي البوسات تتوحد
وضريحك انصاغ ونوره امنل الشمس *** اذا نور الشمس مات من نوره يتولد
وبضريح احسين بير زمزم ايدور *** ومايه ايدور لعبدالله الرضيع ويركد
وبكبتك كلي اذنوب وانخاك *** ودعاء اليزورك بالحال يصعد
ويبو ايد المبتور اصبعه من جفه *** بيدك تمسح اذنوبي وكلبي يبرد
وارجع ابيض من بياض الثلج *** ومن الفرح روحي لربه تصعد
توبه نصوحه وعهد ماارجع *** واذا خنت العهد اكبالك اتشهد
ابيا شرع وبيا دين يحسين *** اصبعك ينكص وايد الغدر تمتد
وبكربله كَبة احسين وكمر هاشم *** وماتكدر اتعد زوار كل مرقد
اطلع وشوف درب الزوار *** ملايين وصوتهم للسمه يصعد
وصوتهم واحد للموت وي احسين *** وللموت نار احسين ماتبرد
بس المهدي ايبرده من يطلع *** ياخذ ابثار جده وابد مايتردد
ـــــــــــــــــــــ
بقلمي خادم اهل البيت (ع)
(عبدالله الشاعر)
| |
|
|
|
|
|
العرض المتطور
