يـاجـنّـة الـبـاري بـأرض سـامـره
نـظـره امن البعُد يـاسيّـدي نـظـره
مَـدّيـنه إلك يالهادي إديـن العـوز
الغـني الله وإحـنه الجـودك الفُـقـره
وگـفـنه أبـاب بابـك ليلـة الميـلاد
وحضـرة نـور نورك شايله الحضـره
شـفنـاها الملائـك نـازلـه أسـراب
عله مهـدك تطـوف إتهمهـم وتقره
تقـره ازيـارتك وتصلـي عالمختـار
لأن رب العرش صلّه إعله ابو الزهره
وإذا ينذكـر إسمك عالقوافي إرداف
يصلي الشعـر كلّـه ويسجد الذكـره
إذن واجب فرض لازم نصلي إعليك
ويصلّـي إعليك كل العالم إبأسـره
ياشجـرة عقيده اغصـانها التوحيـد
يمتد مـنُـتـهاهـا المُنتهى السِـدره
قُطر بدرك شُعاعه امن السمه للگاع
وأقـمـار وكـواكب لايـذه إبّــكتره
وسـرّك سـر مُحمد خـازنه الكـرار
النبي بأسـرار سـرّك منوضـع سـره
ورثت العِـلِم عن عِـلم النبي المختار
عـن الله المُـهيـمن مـالك الـقُـدره
إذن قـدرك مُحـال إيعرفه كل إنسان
بـس البـاري وحـده اليعرف ابقدره
ولهـاذه السبـب شنو حـروب إعليك
گالـوا خل نـغـدره ويـنـتـهي أمـره
رادوه ابـحـيـاتـك دورك إيـدفنـوه
وإجـوك املثّميـن إبـخسّـة الـغـدره
سمّـوك ورحت مِـحْـتِسب عـنـد الله
حي إنتـه إبجـواره وتـأتُـمـر بأمـره
گبـرک جنّـة الـرب نازله إعله الگاع
وتْـلـوذ الدهـور وتسجـد إبكـتـره
بقيت إنتـه جبـل مـرتفع دون أوتـاد
وهمّـه إنـتـهـو ذرّه أنـدفنت إبـذرّه
أجـوا أولادهـم للـثـار عـطشـانين
زمـرة حقـد ما أكـفـرهـا من زمـره
خـافوا من ضـريحك خَـرَّج الثـوّار
وچم ثـوره إطلَعت عالظُـلُم من گبره
صبّوا كـل حقدهُـم عالگبـر مولاي
وأمست گـبَّـتـك يالهـادي منفجـره
عليهم غـضب وجـه الخالق المعبود
وإهتـز العـرش للفـاجعـه بـأسـره
ضنّوهـا الشمس تـنـدثر بالغـربال
ومن يگـدر النـور البــاري إيدثره
ابو ياسرالكعبي
في ميلاد الامام العسكري
العرض المتطور
