[كريم السعبري]

ياروحي ويانور العين==حبيتك مثل ابني حسين
من تهجم عل العسكر ترهب==من حيدر ماخذ هل المنصب
=======
حبيتك يذخر حسين بالشدات== سر انته وصعب مانلكه تفسيره
ولونشد عليك الكون كل الكون ==مانلكه بشر مثلك حمل غيره
ولوردنه نصور شخصك بمعناه== يصعب من نصور شكل تصويره
الفراسه والبطوله والشهامه البيك==ياموقف سهل من نوكف انثيره
عن شخصك مهما يسألون==مثل مروتك ما يلكون
جودك يسكي وسيفك يضرب==من حيدر ماخذ هل منصب
=======
خذت بيدك شهاده من ابوك الحيد==بيهه تخرجت انته بحرب صفين
تعلمت السخاء والعزه يا عباس==بالطف ترجمتهه بوهبك الجفين
صرت ينبوع ماي وتسكي كل عطشان==وصرت ساعد وتضرب دون اخوك حسين
وجنت تنظر لام الخدر والاطفال==بس سهم المنيه طفه ذيج العين
من مهرك توكع مصيوب ==كلبي لفكدك كام يلوب
يوليدي هل الموقف مرعب==من حيدر ماخذ هل منصب
=======
ماقصرت بالطف اسد ياعباس==ويشهدلك الكون وتشهد الحومه
واكف عله حدك ابد ماينداس==وكفيل انته صرت لختك المعصومه
من مثلك جبير وما يطخ الراس==ومن مثلك وهب للغانمه دمومه
صوره موضحه تظل الك يانبراس == صوره مأطره بالكون مفهومه
بدر انته ومنور الكون==والشمس البيهه يشوفون
تظلم دنيانه من اتغرب==منحيدر ماخذ هل منصب
=======
شنجازيه المثلك يابطل وفاي==وشسولف عله المثلك يحمل العزه
سند بالموزمه ووكفت لبني حسين==جبل والجبل ياهو اليكدر يهزه
جبير انته جبير اتظل يبوالناموس==شلون السيف يجسر جفك يحزه
وجفك من وكع صدكني فوك الكاع==صارت عل الارض من وكعته هزه
طاحت رايه وطاح الجود==من ضربو راسك عامود
صار حسين بحجيه يعتب==من حيدر ماخذ هل منصب
=======
يم احسين امشي وياي اتعذر==من حسين اخوي والتمس عذره
واكله سهم طايش جاي طفه العين==وجفوفي وكعت من عندي منبتره
جا محد يصل يمه وانه الناطور== ولاخيل التصل تسحك عله صدره
وكله بحالتي خويه يبي الضيم==ماتخفه عليك وانته بيهه ادره
بجاهج تمشيلي لحسين==اتعذر يانور العين
من يزعل لكلبي يصوب== من حيدر ماخذ هل منصب
=======
يبني احسين اجاك وجابني وياه ==عباس الشهم ويريد يتعذر
يكولن خاف قصرت اني ويه حسين==ومن تقصيري صارت كطعت المنحر
لايمه ابد ماقصر العباس==اسد ماخذ صفاته من البطل حيدر
بسيوف الغدرشفت الشهم من طاح==بهل الموقف ردت كون الوصي يحضر
واحجيله افعال العباس==حيدر كالت عنه الناس
التاريخ بافعاله شيكتب== من حيدر ماخذ هل منصب

====================

خادم اهل البيت

سيد كريم السعبري

[رياض الرسل]

السلام عليكم

سيدنا الغالي والرائع
السعبري

كالعاده رائعه من روائعك ياغالي
اسأل الله ان يوفقك ويجعل اعمالك مقبوله يارب
دمت لنا

رياض الرسل

[كريم السعبري]

استاذ رياض السلام عليكم
والله تخجلني عندما اقراء الرد ومن شاعر كبير مثلك ويثني
عليه برده فالف الف شكر لشاعرنا العملاق
رياض الرسل
اخوك السعبري

[ابوتكتم الخير]

السيد السعبري
قصيدة فيها من الأبداع في كل بيت
وفيها من الصور والحوار بين الزهراء والعباس
مايجري الدموع دموم كتبها الله في ميزان حسناتك
ولكن أقول إن كلمة المنصب غريبة على القصيدة والكلمات وخاصة الحسينة منها
ولك الأختيار مع الأعتذار على تطاولي
أخوك أبو تكتم الخير

[كريم السعبري]

اخي واستاذي الغالي ابوتكتم
السلام عليكم
ما الغرابه في كلمة منصب وهل المنصب محدد لاحد
دون اخر وهل يوجد في هذه الارض احق من ال البيت
با المنصب وانته تعلم انهم يشرفون المنصب لايشرفهم
ومنصب العباس تقلده من ابيه امير المؤمنين علي عليه
السلام
وقدكتبت ابوذيه من صلب الموضوع على كلمت منصب
فارجو الرد عن غرابت الكلمه في القصيده

وعلما ما انا الى خادمكم الصغير واتعلم منكم انشاء الله

يساكي الضعن غيرك ماي منصب
ولو ما بالخديعه الشهم منصب
اخذ من حيدر العباس منصب
حمل رايته وكفل الفاطميه

تحيات اخوك السعبري

[القلب الاسير]

اللـــــــــــــــــــــــــــــــــــــــــــــــ ــــــــــه اللـــــــــــــــــــــــــــــــــــــــــــــــ ـــه اللـــــــــــــــــــــــــــــــــــــــــــــــ ــه
اللهم بحق فاطمة وابيها وبعلها وبنيها والسر المستودع فيها وفق وبارك السيد كريم السعبري
امين رب العالمين
فكرت ورسمت وكتبت ثم ابدعت رزقنا الله واياكم شفاعت الزهراء ع يوم الورود
ورزقنا الله واياكم خدمت ال بيت رسول الله ص في الدنيا وقبولها في الاخرة
انه السميع المجيب
لقد اتقنت اوتار لحنك بحروف دم قلبك فدنا من الابداع والتالق
لك فائق احترامي وجل تقديري
الاقل
احمد رفيش

[كريم السعبري]

الاستاذ الكبير الكبير احمد رفيش
السلام عليكم
اخي الغالي اني منشغل بعمل وتباطئت بالرد فارجو المعذره
كل كلمه بسطر وكل جمله باطروحه وحتى كلامك العادي
يعرف بك بانك شاعر وشاعر كبير
تقبل تحياتي السعبيري

[سفينة البحار]

احسنت واجدت ايها الكبير الرائع
قصيدة ولا اروع
رسمت من خلالها الحب والولاء لآل البيت الاطهار
وفقك الله لكل خير

[الروح الفاطمية]

السلام عليكِ سيدتي و مولاتي فاطمة الزهراء .

بارك الله فيكم ياررب

[كريم السعبري]

سفينة البحار
مروركم كعبق الورد
يستنشقه كل من يكون في الخميله اوبجانبها
واليوم بين كتاباتي
لكم الود ماحييت
السعبري