[القلب الاسير]

ساكت ياسبط كلي علامــــك
وين الكمر والشايل علامـــك
انشدك وانة ماعندي علامـك
وعلامك ماترد جواب اليـــة
*********
يزينب لاتساليني علامــــــــــي
طاح حزامي والشايل علامــــي
حزنت عليه مثل حزني علامي
وبكيت باه بس تسعر عليـــــــة
********
احلفك ياكمر جدنة ودينـــــة
للعباس اخذنة انت ودينـــــة
اريد بوعده اذكرنة ودينــــة
وعساه يكوم خوية يرد الية
*******
شكلج يختي والعباس عالمــــــاي
جفوفه مكطعة والطاح علمـــــاي
ويغدرونة يزينب جان علمـــــاي
وجنت ادري يطيح ابين اميــــــة
*********
اريد اوصل انة العباس ودنـــــة
اخذنة انت يخوية حسين ودنـــة
وعيال اطفال كلها اتصيح ودنـة
نروح وياج وي ابن الزجيـــــــة
احلفج يختــــي بالزهرة وبينــــة
يشمتـــــــون العدا بيكم وبينــــة
الكمر عباس هالنايم وبينــــــــة
جيوش اعداه يختي من ال امية
*******
يخـــــوية حسين اخذنة انت وردنة
ذبــــل بينه العمر واذبــــل وردنة
الكمر عدنان نمشيلة وردنـــــــــة
نضمد جروح ابن الحامي الحمية
*********
يزينب انتي بت حيدر وحرة
حملي بالصبر جمرج وحرة
وزمانج يختي هالقرر وحرة
جفيلج ينجتل وانتي سبيـــــة
********
تدري خـــوية امالي ترابـــي
وعيوني يبو سكينة ترابـــــي
اريد امشيلة وبراسي ترابـــي
واريده يكوم ينفض هالعليــة
********
تركت عيالي وامالي ترابيـــــج
انفضي يختي من عندج ترابيج
وتراه الزهرة يازينب ترابيـــج
واريد بصبرج اتواسيها هيــــة
********
يخوية بزودة الي عزة والي روح
اواسي الزهرة بالامي واليروح
وكلبي للنهر جرني واله يروح
يريد يكلة كـــــوم الحك عليــه

*********************
خادم اهل البيت عليهم السلام
الاقل
احمد رفيش

[سفينة البحار]

مساجلة سجلت فيها الالم واللوعة
واسلت بها العيون
وحلقت بها بعيدا في عالم الابداع
هنيئا لك هذا المداد النازف حبا وولاءا لآل البيت
ولك مني دعاء بدوام الموفقية والثبات على الولاية الحيدرية
دمت بخير

[ابوتكتم الخير]

أحسنت أحمد رفيش على هذه المساجلة
أو الحوار بين الحسين وزينب
ينصرك العباس
يعطيك مرادك

[كريم السعبري]

اخي الكبير الكبير احمد رفيش
السلام عليكم

حوار ومساجله اكثر من رائعه
ودعني اكتب هذا البيت

فكدت اسد للرايه حملهه
زينب حايره وماظل حملهه
بيوم التضع كل حامل حملهه
تشكي هناك يم رب البريه


تحياتي السعبري

[القلب الاسير]

سفينة البحار
ابداعي من ابداعكم
ولكل حرف يقش لا بيت رسول الله ص هو ابداع وموفقية
ونسال الله ان يوفقنا واياكم لخدمتهم فحن في خيمتهم وشفاعتهم
اميلن من الله العلي القدير القبول
لك ودي وفائق مناي
الاقل
احمد رفيش

[القلب الاسير]

الغالي
ابو تكتم الخير
مرورك بهجة
ردودك زينة
تواجدك شمس الاخلاص
لك ودي ومناي
الاقل
احمد رفيش

[القلب الاسير]

السيد ((( كريم السعبري )))
الحبيب والطيب والموالي
تواجدك او بريق من نظرة عينك لكلماتي
تزداد صفحتي نورا وتبارك بمرورك البهي
لك فائق شكري وتقديري