[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

لبــــــــــــــو الصــــادق فرحنــــــــــــه
ــــــــــــــــــــــــــــــــــــــــــــــــــ ــــــــــــــــــــ
فرحنــــه فرحنـــه === لبو الصادق فرحنه
نهنّيها الزﭼيّه === بالطلـــّه البهيـــّه
ــــــــ
نهنّي فاطمه بالباقر اليوم
نهنّي المُصطفه وإنزيل إلهموم
هاليوم إنولد باقرها العلوم
نبعه هاشميه إو صار موسوم
حفلنه حفلنه === للباقـــر حفلنه
فرح سيد البريّه === بالطلـــــّه البهيـــّه
ـــــــ
خامس من كواكب آل طه
هاليوم إنولد للدنيه جاها
سلام إعليه يحويها الوجاهه
بالعتره النبي أحمد تباها
أملنه أملنه === بالعتره أملنه
فرح حامي الحميّه === بالطلـــّه البهيـــــــّه
ــــــ
نهنّي المُنتظر وإنصيح مولاي
إحضر هالحفل يانور دنياي
إلَك تربي تظل للدوم عيناي
تظل إنتَ يبو الهدّات رجواي
عملنه عملنــه === إلَك هذا عملنه
نغيض الناصبيّه === بالطلــــّه البهيـــّه
ــــــــ
يشيعي إفرح بزغ نجمه محمد
بقر كُل العلوم إو صار أمجد
نبعه من علي إو من نور أحمد
يغطّي الكون نوره إو لاح فرقد
جمعنه جمعنــه === لجل عينه جمعنه
دنيانه زهيــّّه === بالطلـــّه البهيـــّه
ــــــــ

على المرسول صلّوا ياجماعه
لاتنسون أصحاب الشفاعه
محبّتهم تظل أطيب بضاعه
شربْنَه الحُب عذب ويّه الرضاعه
رضعنه رضعنه === علي حبّه رضعنه
تهاني إبهل مسيّه === بالطلــــــــّه البهيـــّه
ــــــــــ
يريت إنروح لتراب المدينه
نزور الباقر إو نرفع إدينه
ننادي المُصطفه يَحْمَد نبينه
يمولانه نهنّيكم إجينه
رُفعنـه رُفعنـــه === عَلَم للحُب رُفعنه
للباقر هديّــــه === بالطلـــّه البهيـــّه
ـــــــ
عِلِم هالكون يرفعها التهاني
يهنّي إبمولد الباقر زماني
بالمولد زهت أطيب معاني
شيعي إو جعفري وأنتظره آني
عُمرنه عُمرنــه === نظل نهْوَه عُمرنه
صوت الحق هويّه === بالطلــــــــّه البهيـــّه
ـــــــ

ــــــــــــــــــــــــــــــــــــــــــــــــــ ـــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dlddq015156.mp3.html

[نزار الفرج]

بسم الله الرحمن الرحيم
السلام على باقر العلوم
بوركت اخي جابر النجفي وطيب الله انفاسك الولائية
رزقك الله زيارة وشفاعة من بقر العلم عليه السلام
دعائي
اخوكم
ابو محسد النجفي

[ابو ياسر الكعبي]

جابر النجفي

بارك الله فيك وتباركت ايها الشاعر الجميل


وفقك الله ورعاك

[رياض الرسل]

السلام عليكم

الشاعر الغالي
جابر النجفي

موفق كل التوفيق على هذه القصيده الاكثر من رائعه
والله يوفقك لكل خير وبركه يارب
دمت لنا ياطيب


رياض الرسل