[زكي الياسري]

يا صاحِبي لا تظن صـــرح المَجــِد ينهار
لا تِظن في شُعلته يخمد سنا الانــــــــوار
صرح المجَد ما يهد بُنيــانة طيف اخطار
مادام سوره انبنه ابحـــب حيدر الكــــرار

***

ميلاد حيدر شمس شعّــــــت على الابرار

والحُب حديقة أمل بيهــــــا الــولاء ازهار

و الما يحب حيدرة يظـــــــل للأبد محتــار

و الشيعي كَول وفعل لو ثـــــار نور و نار

***
حيدر يمن تستمع حـــــارس حدود الدين
وابذو الفِقار اشتهر مــــــن عالم التكوين
و الهل اسباب انولد بالكعبة ابو الحَسنين
يحرسه حامي الحمه البيه احنة متمسكين

***
حب حيدر المرتضه منبع عقيــــدة و نور
و أشعاع فكره عَـلـَم في كل بلـد منشــور
و الهاي واجب فرض حفل الولادة اتزور
مريود تعلن فـرح كَـد حزنــك ابعاشـــــور

***

يا هله بشيعة علي اهـل المكــــــــارم دوم

بولاية المرتضى عدهــــــــم درب مرسوم

حيدر عقيدة وأصل حيدر وصي ومعصوم

يعني الي بيه اعتصم لا مـا يشوف اهموم

***

حيدر شريعة عدل حيدر صـرح عالي

يبقة ابكَلب كل محب من كَبل كل غالي

مو عاطفة و لا نسب حيدر صبح والي

تنصيبه بَمــر السمة للمصطفـــــــة تالي

***

ميلاد حامي الحمة حيدر عليمـــــــن صار

بالكعبة يالتستمــــــع بي شعّـــــــت الانوار

و الشرف يهل الشرف بس للوصي الكرار

انذار لليعتـــــــــرض واضـــــح تره الانذار

***

حيدر يشيعة علــــي هــوَّ عقيدتة

والواجب ابحفلته تجديـــــد بيعته

بيعتنه للمرتضــــــى قمة شريعته

من حيث حيدر يضل للأبد قدوتنه

]]][][][][][]{{{{{}}}}}[][][][][][[[


ميلاد ابو الحسنيـن بالكعبة معلوم
معجزة وللأجيـال نيشـانه مرسوم

بالكعبة يا هلنـاس ليـــــش الولاده
راد الله بيه اتطـوف غصبـاً عِباده

بلدة علــوم الله طـــــــــــــــه نبينه
وحيدر علي الكرار بــــاب المدينة

حيدر شمس هلدين للدنية نبراس
ملعون من ساواه بالما إلـَهـ ساس

حيدر سراط الله رب الجلالـــــــــه
بي تم تمام الديـــــن واكمل كماله

حيدر سفينة نوح و الماركــب شذ
حامل لواء الدين قائِــد وفــي و فذ


زكي الياسري

[عاشقة زينب ع]

بالكعبة يا هلنـاس ليـــــش الولاده
راد الله بيه اتطـوف غصبـاً عِباده
*********

الله الله
طيب الله انفاسكم كل ما كتبتموه رائع

لكن هذا الدارمي منتهى الروعه وفقكم الله
ونأمل المزيد بارك الله فيكم

[ابوتكتم الخير]

الشاعر السيد زكي الياسري المبدع
ما أروع ماكتبت أبيات في امير المؤمنين عليه السلام
ودارميات مميزة بينت فيها حب الأمام
حفظها لك يوم النشورللشفاعة
دم متألقا

[قاسم حتروش]

السيد زكي الياسري
كلمات في غاية الروعة سطرها في حب ومولد مولانه علي بن ابي طالب
تبثك الله على ولاية أمير المؤمنين
وختم لك بحسن العاقبة بحق محمد وال محمد
تحياتي

[كريم السعبري]

الاخ زكي الياسري السلام عليكم
اعودلكم بعد استكان الجاي

الماركب غركان مايحمي دينه
يازكي من يعوف هاي السفينه

تحياتي السعبري

[ابو ياسر الكعبي]

زكي الياسري

أراني غارقاً بلوحات ابداعك

لك منها الجمال

ولي منها الذهول

[زكي الياسري]

عاشقة الحوراء ع
ابا تكتم الخير
قاسم حتروش
كريم السعبري

و الرائع الكعبــ ابو ياسر ــي

نورتم الصفحة بمروركم العذب
رعاكم الله و لا حرمني من اطلالتكم البهية