((شكثر أصبر))
شكثر أصبر يبوصالح
شكثر لظهورك اتنطر
ترى ضاق الصبر مني
ترى قلبي غده مفطر
يمته سيفك اتشيله
وتعيدن معركة خيبر
حصون الجور تقلعها
ولروس الكفر تطبر
تنسه مصيبة الزهره؟!
تنسه الحمره والصفعه؟!
تنسه هم ضلع مكسور؟!
تنسه محسن البضعه؟!
تنسه النار والبسمار؟!
تنسه العبره والدمعه؟!
داسوا شرعة الهادي
ذاك الكافر وربعه
السقيفه محور المنكر
السقيفه مصدر الإجرام
السقيفه ملتقى الأشرار
السقيفه مزبلة آثام
السقيفه ابكل عصر تنتج
نواصب يالولي وظلام
مثال اليوم أريد انطيك
السقيفه أنجبت صدام
ذاك الطاغي المقبور
التحده بجوره بواليمه
وتحده بوالفضل عباس
لضريحه يحاول يهدمه
لجنه خابت ظنونه
ورجع متكدر بهمه
واليتحرش بعباس
ينسه اسمه وحليب امه
ولك هذا الجبان شلون
تكبر واطلق النيران؟!
النواصب هذا ديدنهم
يحكمون بقوى الشيطان
الشجاعه ما يعرفوها
ورجولتهم على النسوان
ويشهرون الرمح والسيف
من تتقيد الشجعان
شيعتكم بارض العراق
عليهم صبوا المحنه
النواصب الله يلعنهم
شعلوا بالبلد فتنه
خطوا فتوة التكفير
يمهدي وأهدروا دمنه
الشيعي واجب تذبحوه
اليذبحه يدخل الجنه
يبوصالح ترى طالت
سنينك والظلم يزداد
علينه ابكل وكت والله
مصيبة كربلا تنعاد
دمنه ينسفك كل يوم
دمنه فول العداد
يفجرونه ويجتلونه
الضحايا فاقت الأعداد
يمته الرايه تتعاله
وتعلن للسبط ثارات
ويمته يسطع البتار
يمته يبدد الظلمات
يمته تسحق الباطل
يمته تسكن الآهات
نموت احنه فده المذهب
بس نهجك أبد ما مات
تأليف
عبد أهل البيت "عليهم السلام"
وخادم خدامهم المخلصين
مهدي سردار
خادمة الزهراء 
شكثر أصبر ... بمناسبة ميلاد صاحب العصر والزمان
العرض المتطور
