[كريم السعبري]

لطميه بمناسبة استشهاد سيدي ومولاي امير المؤمنين
علي ابن ابي طالب عليه السلام
يحيدر ما يظل كلشي اذا عني ردت تمشي
وتظل بالروح كومه جروح
---------------------
يحيدر عني من تروح يطيح البيت باركانه
وكلبي شلون يتحمل يبويه هيجة احزانه
وبعد جرح الظلع بيه ينزف واني تعبانه
وكع بيت السعد هسه ويحيدر طاح بنيانه
وعله هل الحال ما اصبر اخلص المر يجيني المر
شيفيد النوح كومه جروح
اذا عني ردت تمشي
-----------------
المصيبه هدمت حيلي وعله روحي الحزن خيم
من اوكعت بالمحراب واتعفر الشيب بدم
شلون ايامي اكضيهه وشيحمل جبال الهم
مادام السعد وياك جني بنوم جنت احلم
هجم من كل كتر حزني العقيله وسلوتي وني
سلوتي النوح كومه جروح
اذا عني ردت تمشي
--------------------
يبويه واخوتي يمي يصبروني واصبرهم
نهده لحظه ونعاود ننوح وتجري دمعتهم
صور للمحسن نرسمت لمن فاركو امهم
وصوره للضلع مكسور تشب بالكلب جمرتهم
صفينه بين هل النارين اني والحسن وحسين
وياك انروح كومه جروح
اذا عني ردت تمشي
-----------------
كون وياك يا حيدر نعوف الدنيه ماتسوه
امس بت النبي الهادي لفكدهه صرنه نتجوه
وهسه ايتام صرنه احنه يبويه العمر مايسوه
واذا موانته والزهره ويانه لموتنه نهوه
ماضن الشمل يلتم الدموع عليك سالت دم
صدك وتروح كومه جروح
اذا عني ردت تمشي
-------------------
يحيدر بويه موطبعك تعوف اللي نخاك انته
وتعوف حسين يابويه حزين وبالكلب ونته
وعليك بلهفه يا حيدر ادري الحسن عودته
واني الحره يا بويه ياهو الظاله ابخته
اون والروح مالومه وكلبي كثرن همومه
بدمع مسفوح كومه جروح
اذا عني ردت تمشي
-------------------------
كريم السعبري

[ابوتكتم الخير]

يحيدر بويه موطبعك تعوف اللي نخاك انته
وتعوف حسين يابويه حزين وبالكلب ونته
وعليك بلهفه يا حيدر ادري الحسن عودته
واني الحره يا بويه ياهو الظاله ابخته
اون والروح مالومه وكلبي كثرن همومه
بدمع مسفوح كومه جروح
اذا عني ردت تمشي
سيد كريم السعبري
عظم الله لكم الأجر بشهادة أمير المؤمنين
قصيدة رائعة
ربي يحفظكم

[كريم السعبري]

الاخ ابو تكتم مرور مشرف
ازاد الله شرفك السعبري

[شاعرة الحسين]

مأجور ايها الفاضل كريم السعبري
جعلها الله تعالى في ميزان حسناتك
قصيدة معبرة و مؤثرة
سلمت الانامل يا حسيني

[كرار حيدر]

مولاي العزيز/السيد كريم السعبري رعاك الله
أنحني خجلا امام وحي قلمك الموالي العلوي
جعلها الله في ميزان حسناتكم
ولاحرمنا الله جديدكم
خادمك
حيدر الناصري12

[كريم السعبري]

اقتباس : المشاركة الأصلية كتبت بواسطة كرار حيدر [ مشاهدة المشاركة ]

مولاي العزيز/السيد كريم السعبري رعاك الله أنحني خجلا امام وحي قلمك الموالي العلوي جعلها الله في ميزان حسناتكم ولاحرمنا الله جديدكم خادمك حيدر الناصري12

الاخ الناصري مرورك شرف اعتز به السعبري

[الروح]

الشاعر القدير كريم السعبري
بوركت الأيادي أجركم على رسول الله
لهذه القصيدة بحق مولانا أمير المؤمنين عليهم صلوات الله وسلامه
موفقين لكل خير

[سما المجلسي]

نشكركم عزيزنا ايها الشاعر الكبير

[غصات الحنين]

اقتباس :

يبويه واخوتي يمي يصبروني واصبرهم نهده لحظه ونعاود ننوح وتجري دمعتهم صور للمحسن نرسمت لمن فاركو امهم وصوره للضلع مكسور تشب بالكلب جمرتهم صفينه بين هل النارين اني والحسن وحسين وياك انروح كومه جروح اذا عني ردت تمشي

كلمات رائعه
بارك الله بيك اخي كريم

[ابو ياسر الكعبي]

السيد كريم السعبري
عظم الله لنا ولكم الاجر
جاء نصك جميلا رغم اتشاحه بالحزن والالم
وفقك الله وسدد خطاك
رمضان كريم