حفر خدي الدمع عباس شمتاني ..... ماتنهض يخوية اتشوف عدواني
بسمك تصرخ متوني ...... ياعباس ضربوني
ماتنهض يخوية اتشوف عدواني
يــــــــا كمر عدنان خوية زينب الحرة العقيلة
انه ياعبـــاس انــــــادي شاهد وشوف الجفيلة
عالسبي تمشي وتصدلك والكلب مهدود حيلة
دمعة جفنة موجرة .... وللراية خوية منطرة ....وينك سبع الكنطرة ...وانت كل جرحي ودليله
خذوني اعداك ياعباس انه الحرة ..... اصد للراية خوية بحسرة منتظرة
ورِِسمت خوية الي عيوني ..... سيفك من يهظموني
ماتنهض يخوية اتشوف عدواني
كلبي ياعباس يصرخ وانت ما تسمع ونينــه
بالسبي خط بخطوته خوية متعنية المدينــه
كوم يا عباس لختك صاحت بضيم انولينه
وينك يبن حامي الحمة...جفوفي اخذها موسمة....بحبال امية من الدمة... بيدك انت يا ولينه
واخذ مني يسبع الكنطرة عيوني .... تشاهدني يخوية بصوط ضربوني
العدا بحبال شدوني .... اعلى درب الشام اخذوني
ماتنهض يخوية اتشوف عدواني
ياعزيز الروح وينك بالأسر وأتغيب عنــــي
عالنهر باقي بغيابك وسفة ياعباس ضنــي
تاخذ الراية وتجيني وتنهض الداري تردني
اعذرني ادري اعلى النهر.... مختومة خوية من القدر ...... حرمة بغيابك عالقهر ... ...زينب انه الهم حملني
ودمعي اعلى الجفن يا خوية الك يربة .... يعباس الشدايد كلها الي صعبة
ادير العين لضعوني ..... وعلى الراية ينشدوني
ماتنهض يخوية اتشوف عدواني
عيوني يا عباس تنظر للنهر تشكي اعلى متني
بكل جرح جرتني يمة وللجرف صارت تعتنـــي
اتكلك انهض ياجفيلي سياط عدوانك ولتنـــي
جاوين عني بهالوضع ... وبالاه ياخوية ودمع ... جم ضلع كسروا جم ضلع......واليوم عدوانك سبتني
كوم انهض يخوية واختك بلوعة .... جبيرة وضلت بونتها مفجوعة
وصِبر كلبي وبقة يجاهد .... اريد ابعينك اتشاهد
ماتنهض يخوية اتشوف عدواني
انه خوية اعليك اعتب والعتب من ظاك حيلي
طالت اعلينه المصايب والكمر ماشاف ليلـــي
بالدمع والدم كتايب والجرح قائدها سيلــــي
معذورة حرة اتصبرت.... بحبال امية اتكَيدت.... حاشاك لا ماقصرت ....وغيرتك تسري بدليلي
وحدي اعلى المصايب جارت اعلية .... ودمعي اعلى النهر يا خوية جر بية
يريد ايسيل يم عينك ..... ويكلك خوية جا وينك
ماتنهض يخوية اتشوف عدواني
بالهظم عباس تبقى اشلون حرتكم سبيــــة
زينب انه يالعفتني ابقى بجروح المنيـــــــة
امتوني تصرخ ياجفيلي وينك ابهاي المسية
وينك يبن حامي الحمة ..... وينك يبن حامي الحمة
امتوني خوية موسمة ..... وينك يبن حامي الحمة
بسياط امية الضالمة ..... وينك يبن حامي الحمة
وغيرت العباس غطت زينب الحرة العقيلة
خادم اهل البيت عليهم السلام
احمد رفيش
حفر خدي الدمع عباس شمتاني ...... زينب ع ...... بقلم احمد رفيش
العرض المتطور
