بمناسبة عيد الله الاكبر عيد الغدير الاغر اقدم قصيدتي
الله لعلي ايد------بلغ يا محمد
الوصي حيدر الكرار--- قسيم الجنه والنار
----------------
بلغ المسلمين بهل الرساله--- امير اتنصب بامر الجلاله
علي بالكون ابد ماكو مثاله---والله يوالي كلمن اله واله
والفرحه اتجدد------بلغ يامحمد
ماتنظم الاسرار---قسيم الجنه والنار
---------------
علي بعد النبي والي عليهم--- وعله دروب الهدايه يمشيهم
يريد اصنام ما تبقه بديهم---ومن كل الظلاله ينجيهم
أمر من الله مسند------بلغ يامحمد
علي يفنيهه الاشرار-----قسيم الجنه والنار
----------------------
علي مخلوق من نور الهدايه--- وعلي وبجف محمد صار رايه
يفهم منهجه ودينه بدرايه---جم سوره لمحمد اجت وايه
وبحق علي تشهد-----بلغ يا محمد
مثله ابد ماصار ------قسيم الجنه والنار
-----------------
الصلات عله النبي مومستحبه---وجوبا لليريد يرضي ربه
للآل البيت ربك رسم دربه--- والصله عليهم غسل كلبه
عنه النار تبعد------بلغ يا محمد
بكتب وصلتنه واخبار----قسيم الجنه والنار
--------------------
علي باسمه علي كل صعبه تسهل--- وبسمك للعلى نبقه نتوسل
لمشاكلنه يحيدر تلكه الف حل--- ويم الله ونبيه انته الاول
بوالية علي نسعد ----بلغ يامحمد
بكلبنه نبني الك دار--- قسيم الجنه والنار
-------------------
علي كلي علي ياهو اليعوفه---نشوف الجنه حيدر من نشوفه
بلا منيه من تطعم اجفوفه---وكل طاغي علي سواله خوفه
لبن ود سيفه مرعد---بلغ يامحمد
علي بالمعركه اعصار---قسيم الجنه والنار
-----------------
علي بيده الشمس من اومه ردهه---وعلي العليه تره بزوده صعدهه
امت النبي من حيدر مجدهه---ومحمد رايته حيدر سندهه
الفضائل ماالهن عد---بلغ يامحمد
صهر واخو المختار---قسيم الجنه والنار
----------------------------------
بقلم كريم السعبري
مبارك لكم هذا الجهد سيدنا الغالي
علي للموزمـــــــه وللكفه كفَّه
علي يامه الظيم عن النبي كفَّه
ميزان العدالــــــــه بفيض كفَّه
وعداله حكمه مابين الرعيَّه
علي كلي علي ياهو اليعوفه---نشوف الجنه حيدر من نشوفه
بلا منيه من تطعم اجفوفه---وكل طاغي علي سواله خوفه
ما أجمل حرفك وهو يسجد في محراب عشق الولاية ،،
الفاضل السعبري ،، امتعتنا بجمالية النسج الولائي في حضرة مولانا أمير المؤمنين
لا عدمنا ابداعك العذب
تحيتي لك
لبيعة الغدير وعيدالله الاكبر قصيدتي كريم السعبري
العرض المتطور
