[ابو معاد النجفي]

شلون من حل الوداع..وارفعت بويه الشراع
فاطمه انه العليله..حملي بويه من يشيله
انت ياحلو الطباع

فاطمه انه العليله.. بويه عدمن ودعتني
بدار وحشه ولا خليل.. انت بويه من عفتني
يوم حلت هالمسيه..بويه هم انته اذكرتني
حالي ياحال الرزيه..ريت بويه ولاشفتني

انت بن حامي دخيله..وحشه يابويه هالليله
ابعدو عني السباع

وحدي بويه من عفتني..شلون من جلجل الليل
داركم ظلت خليه..وحملي يابويه ثجيل
انت وصيت بوصيه..ومااظن عني تطيل
حرمه ظلت وبنزلكم..انت ابن حامي الدخيل

سفرتك يمكن طويله..والبعد ماليه حيله
امركم عندي مطاع

عيني تربي بويه الكم..وعالدرب عيني ربيه
اهنا يوالي من عفتني..بنوح والهم واذيه
ردت كون انه بضعنكم..لو تحل بيك المسيه
خادمه افرش افراشك..وانه اسليلك رقيه

اخدمك خدمه جليله..حتى لو انه عليله
اليوم احسن بالضياع

يااشد موقف عليه..صار عندي ومانسيته
يوم من اظلمت دارك..وردت شخصك مالكيته
صحت بس الصدى ردلي..وياظلع مني حنيته
جان كل همي يبويه..عمري بجاهك كظيته

ترده عني اللي يعيل..بجاهك وجاه الكفيل
وعني ادافع دفاع

يوم من غرب ضعنكم..وابعدت يابويه عني
عليه هاجت هالظنون..عيوني بس هنه السلني
وظلمة الليل وحشته..وكثر حسبات اللفني
اعاين بدار الاحبه..ولاطلع من شفتي سني
بس اعاين عالجليل..وبالنظر اصفن واطيل
وعيني أتجول البقاع

ارتضيت الوحده بويه..وايفتنت انه البقاء
من شفت حمل ضعنهم..واركبت كل النساء
ارجعت مكسوره خاطر..يوم من حل المساء
واشكرت ربي لحكمته.. وارفعت أيد الدعاء
واعرفت انه الحصيله..عيشتي ابقى عليله
وانتظر يوم الوداع

خادم اهل البيت
ابو علي السعيدي