[ابو معاد النجفي]

سلامي من كلب ملهوف..للكطعو من اديه اجفوف
من عنده الوفه ينقاس..وبيه الغيره والنوماس
نريد اليوم بيك انطوف

سلامي ع الرسول وعترته الطيبين..وسلامي عالفحل سيدنه ابو الحسنين
سلامي عل الزجيه نور ضي العين..وسلامي عل الحسن وحسين
وسلامي عل البطل عباس..وسلامي عالبقت ظلت بلا حراس
الحاطته جثير اسيوف

سلامي عل العليل االصاح بالميدان..يوم الهجمت العسكر عل النسوان
عليل وحيد مهموم وبلا عوان..عاين عالشريعه وشافه الذرعان
صاح بلهفه والاحساس.. تبا ياجموع الناس
جفوف الكمر عيني تشوف

سلامي عل حرة بني هاشم..الوكفت بالطفوف بوجه كل ظالم
تصيح بصوت كلمن سالمه نسالم ..كيد شما تكيد وربي العالم
تشهد دكت الاجراس..عليكم والدرع والطاس
طاح الكمر بان خسوف

سلامي عل المشت راحت لاارض الشام..وماتت بالقصر ابيت هالظلام
ماننسه ذكره شما تمر ايام..نتذكر رقيه وعملت الاقزام
يايوم انذكر وانكتب بالكراس..ياهي الحضنته للراس
من حزنه ماتت من الخوف

سلامي عل الرضيع وامه ونحره..ورمله والرباب الشافن الطبره
تصب اعيونهن بالنوح والعبره.. عل المذبوح طاح تسود الغبره
منه انكطعت الانفاس..بسهم الكفر والارجاس
وبنحره السهام اطوف

سلامي عل المشت راحت سبيه..ودخلت عل القصر عد ال اميه
وشافت بالقصر هم واذيه..راوهه الالم حتى المنيه

صاحت صوت لاباس..احنه انشرف الناس
وخطب بالقصر وكفت هالصفوف

خادم اهل البيت
ابو علي السعيدي