يردوني انتخب
......
حاير من صدك كل فكري مذهـول
افــرزن بالــقــوائـم والمرشحين
وصلت انه النتيجة وفد شي معقول
وقــررت انتخب بس انتخب زين
سمعت انه مـرشح مـره شيكول
لـوتنطيني صــوتك احيي ميتين
وانطيـك شتـريد وفـكرك يزول
والسـابع جــدودك ألكـه تعيين
وابنيلك قـصر بالـعرض والطول
وما تكـدر تلمه تشـوفه كل عين
وكـل عمرك أعيشك وانته مكفول
وتغسل كل ديونك تنسه كـل دين
وما محتاج تحلم انـوي لتـكـول
كـل حلمك حقيـقة يصير بالحـين
ومـدوخ بأعاود مشتـرك مشغـول
وفـوك البيت انصبـلك شبكـتـين
وصـوتك لا تصدك عنـدي مهمول
صـوتك لجلي أغـله مـن الملايين
تعـرفني ألـخـدمتك انه مرسـول
وحـاجـاتك علي مثـل القرائـين
ويطمنك يكـلك أنـت مـشـمـول
ومـا تحتـاج اقـدملك بـراهيـن
ممكن تزرع وما تجـني محصـول
وممكن عالسطـح تحـرث بساتين
وممكن شخص يمشي وهو مشلول
وممكن جـرح يضحك عالسجاجين
وممكن واحـد يحـاربله أسطــــول
وممكن تبـني بـيت بلا حيـاطين
وممكن سائل يصير اهـوه مسؤول
وممكن عالارض مـا يبقه مسكين
اعرف كــل علنهم والي مجهـــول
ومن هـاي التجـــارب مـرن سنين
ليغـرك تفـــوز بهـــاي الأصـــوات
يالصوتك يزيد بصوتي صير حسين
......
يردوني انتخب
العرض المتطور
