[خالد محمد مهدي]

((1))

(( لسان رحال رمله عليها السلام مع ولدها القاسم عليهما السلام))

صوره بخيالي


*************

فرحة عرس جسّــام ** صوره بخيالي

صارت سراب أوهام ** مأتم صفالـــي

نوحي// روحي // طفَّو شموعك والحزن يبرالي

**-----------------**

تتنومس بيك الروح ** وأنت أملهـا

لو عنِّي غبت اليوم ** من بكه ألها

سنين العمرماريـــد ** بعدك أمِلهـا

ويّاك أخـــذها أمَّك ** غيابك جتلها

دموعي // شموعي // نجوم الليالي أينوحن أعله حالي

**-----------------**

دكَّت أطبول الظيم ** تعلن حربهــــا

والزود يبني البيك ** راكب أصعبها

حيدر علـى يمناك ** فنَّـــــه الكربها

بالضربــه ماثنّيت ** الجفَّك ضربها

فارس // ودارس // أبيت الكرامات ومجدها العالي

**-----------------**

دمع العيون أيصيح ** ياسامع الصوت

سيوف المنيَّه أعليه ** أمّين ميفـــــوت

خميه الشباب الطف ** صارت التابوت

زفَّة عرس حاضـــر ** بيها ملك الموت

جفَّــه // وفَّـــه // أتحنَّت جفوفك بالدمه يالغالـي



*******************

ذاب الكلب يبنـــي ** جن شمعه ذايب

شماله الدهر وياي ** أيلِّــم بالمصايب

للخيمــه يمته تعود ** أتفــرح الحبايب

طال السهر بالنوح ** والكمـــر غايب

حنتك // بجنتك / شوفيلك يمَّه جاسم وتوفيلــــــي

**----------------**



الدمع واجب صار ** وتتصافح الآه

ويلي عله العرّيس ** ويلي واويـلآه

ظيــم الوكت لليوم ** للكلب خــاواه

شلِّي بلذيــذ العيش ** ماخذنـي ويَّاه

سهر // الفجري // أمسي وأصبّح ورسومك أكبالي

**----------------**

شنهو العمـــــرلولاك ** ماريده عمري

ريت الشمس ماشوف ** ولاطلع فجري

جبدي بكــــه مطعون ** ونحنه ظهري

صبَّن عيونـــي دموم ** مارحم دهري

الراح // بالراح // أصفكهن وأدري الدهر جتّالــي

*-*-*-*-*-*-*-*-*




((التوقيع))
السجود لنور الله
*---------**
ملائكـــــــــــة السمه من سجدت الآدم
سجدت للأنوار السببت ذاتــــه
وهنانــــــه الحقيقـــه ثابتـــه المعنــــــه
هذا الطين بيها أنعرف معناتـه
خمس كلمات مرسومه عله عرش النور
يعني الكون يزهي بنور كلماته
فـــوق القـــدره والادراك محياهــــــــم
أأمــــه للعوالـــم قاده ساداتــــه
محمــد علــي فاطــــــم الحسن وحسين
تبيان الكتاب ومعنه آياتـــــــــه
***********

[عبدالله خلف العتابي]

الشاعر القدير والمتمكن من ادواته
المبدع خالد محمد مهدي لايسعني
الا ان انحني امام بوح قلمك الذهبي
واصل ابداعك يامبدع
تلميذك المبتدا
عبدالله العتابي

[خالد محمد مهدي]

بسم الله الرحمن الرحيم
اثباكم الله برحته على هذا البوح الكريم
وأسعد الله قلبكم بسرور محمد وآل محمد
اللهم آمين
تشرفت بقبولكم انتمائي لهذا الصرح المبارك صرخة الحق التي لاتعلوا عليها صيحه
التمسكم الدعاء
التمسكم النصح
شكرا // ممنون

[عدنان منعم]

اللهم بحق الزهراء وابيها ان تمن علا من كتب تلك الابيات ببركة محمد وال محمد