[خالد محمد مهدي]

مجلس عزاء للسيده رقيه عليها السلام
التمسكم الدعاء بالقبول
كما التمسكم النصح
(( من ينكر أسمي))
************************
من ينكر اسمي ** اسمي رقيّـــــــــــه
آنه بنت حسين **راعي الحميــــــــــه
سبب ݘف الجريمه*/*من زغري يتيمه
*************
ابوي حسين نور عيونــــي وآمالـــــي ** عليّــه ينشــد ويتفّگــــد احوالــــي
مالحظه نساني شــــــــلون خلانـــي **اعانـــي غيبتــه ويلوع حرمانــــي
أبجي عليه لو أسكت
وحدّها الدموع أتكت **عشتها للهظيمه** من زغري يتيمه
************
روحي أوساده صارت والغطه ظنّي**تعب رمشي ونزل سلّم على جفنــــي
اجاني والدي وبشوگه يحضنّــــي**غفت عيني عله صدره وماسكن ونّي
أفز من نومي مرعوبه
أصيح بياكتر صوبــــه ** خلص حلمي حريمه ** من زغري يتيمه
**********
صحت ياعمّه روحي شفته گدّامــي **بݘف أيــده وبسمتــه داوه آلامــــــي
سافر عنّي ماينسانــي بحلامــــــي **شما طالت سفرتـــه سوده أيامــــي
مني صار عالي الصوت
ماعوف البݘـــــي للموت **رد صوت الظليمه ** من زغري يتيمه
***********
قلق صاير منامه يزيد من صوتي **ياريت الاجـــل صــار وحكــم موتــي
ولارض الغاضريه انشال تابوتـي **دز بالطشت راسه وشتره سكوتــــــي
بدت دمعاتي بعتابه
رد حاݘيني يايابـــه ** يبو ݘفوف الرحيمه ** من زغري يتيمه
*******
ݘلمات العتب طلعن من ألساني **اخذنــي ويــاك وحــدي هنـا لتنسانـي
انگطع منّك وريدك گلّي شمتاني**شهگت روحي بآخر نفس وجدانـــــــي
بآخر لحظه ودعتـــــــه
طحت عالراس وشبگته** مصيبته عظيمه ** من زغري يتيمه

**********************

))((ردَّت يتامانه)) لسان حال زينب عن حال رقيه عليهما السلام
************
ردَّت يتامانــــــــــه \\ ماردَّت رقيَّه
فززهه حلمهه أتعايـــن وجوه
أبويه أتصيح أريده يمَّي ردَّوه
*************
طفله أخذوهه مسبيَّه الاراضي الشام
تتلآوذ مابين الحــــــــــــرم وأيتـــام
مرار الظيـــــم تتحملــــــــه والآلآم
على عـد الاصابـع هالعمر ينظـــام
حركّوهه لخيامــــــــي \\ نهاري أظلم عليَّه
شأكلهه والدج ياعمَّــــــــه ذبحوه
أبويه أتصيح أريده يمَّي ردَّوه
*************
فرق بين الصبح والليل ماعدهـــــه
مشتاكَه الحنانـــه الزمن باعدهـــــه
بكـــلآم عيونهه محتاجه والدهـــــه
يشبكّهه أعله صدره وبوسته بخدهه
كل ساعه تانشدني \\ همَّات أله جيَّه
دمعـــــــــي خايفه ينزل ويشوفوه
أبويه أتصيح أريده يمَّي ردَّوه
*************
غريبه أتحس يتيمه مالهه والي
ورده بعيني لاكن تذبل كَبالـــي
مايسكت بجيهه عذبَّت حالــــي
عله حـــال اليتيمه سوده أيامي
بالكوَّه أقنِّعهه \\ مسكينه لبنيَّه
بأهــــــــل الغدرأشمدريهه سلبوه
أبويه أتصيح أريده يمَّي ردَّوه
*************
حلم وردي يرافك ليلهه الاظلـــــم
عله راس اليتيمه مصايبــــــه تلتم
نامت شافت حسين بحلـــم ماتــــم
صاحت وين أبويه والدمع من دم
وينك يروح الروح \\ شابكته بأديهه
وين أيروح عنّـــــي شلون عافوه
أبويه أتصيح أريده يمَّي ردَّوه
*************
فزَّت من حلمهه أتصيح جاوينه
كَلبي وروح مشتاكَين تانينــــــه
يعمَّه والدي هم يرجـــــع علينه
لو أكطع الظنَّــــــــه مايرد لينه
صوت البجي أرعب \\ طاغي آل أميه
الظــــــــلآّم أبطش للراس جابوه
أبويه أتصيح أريده يمَّي ردَّوه
***************
بده لمعاتب بدمعات مهظومــــــه
راسك يمّي بويه وجسد بالحومـــه
أذا بيَّه عمر راح أظل ملجومـــــه
ومن طيبك حنانك دومي محرومه
شبكته راس حسين \\ بأنفاس المنيَّه
زغر سنهه عجيبه ما يراعوه
أبويه أتصيح أريده يمَّي ردَّوه
*************

)) (( تبجي لمصابه )) حال رقيه عليها السلام
*******************
من كعّدوهــه ** بذيج الخرابــه //// مايهجع النوح ** تبجي المصابه
مرعوبه فزَّت من حلــم // طفله سبيَّه
متزاحمه آصوات البجي // لنهه رقيَّه
بذيج الخرابه *-*تبجي المصابه
**---------------**
نوح وآلآم وبواجــي** وتعب انهكهه بمراره
نامت يتيمه بهظمهه ** والكلب مستعره ناره
ماتصدك الحـال هذا ** ليــــل مايطلع نهاره
طبكت رمشهه أعله الجفن
وتغطَّت بدمع الحــــــــزن
من يعطف عليهه ويحـــن ** وياوضع ترهمله جاره
من غَمضَت العين ** لنهه بحـــــلمهـه //// ويّاهه كاعـــــــــد **أتحضنه ويشمهه
صاحت عيوني شافته // وكمشته بأديَّه
غايب وماظنَّـــــه بعد // يرجـــع عليَّه
والكلب ذابه *-* تبجي المصابه
***------------***
بعينهه شــــــافت أبوهه** من أجلهه رد زمانه
كعدت بحظنه وتلآعب ** طيبته وكلبه وحنانه
أتكلّه بويه وياك أخذني ** لاتخلّينـــــــي هنانه
فتحت العيـــــــن بلآ أمل
عنهه ألأعز غاب ورحل
نبض الكلب عنَّـــــه سأل ** ليش أبويه مو ويانه
بحضنه يلمنــي ** يضمني أعله صدره //// لوعافني وراح ** رَد علــــــــــه الغبره
بالغالـــــــــي أدري منذبح // بأيد آل أميَّه
وخذوا الراس أعله الرمح // لبن الدعيّــه
تعذر اسبابه *-*تبجي المصابه
**---------------**
أجت يمهه بظهر محنـي ** دمعه وي دمعه تلاكـن
شبيح يُمّه أمردتي جبدي ** أختنكت العبره وتباجن
وآ حسين أتنادي زينب ** دموعه يابويه صاحن
تعرف الشافت بي حلم **تذكـــــر أبوهه وتنلجم
هل الطفله أدراك وعلم ** يامن أيصبّرهه يامن
أدوِّر حنانــــــــه ** مابين الاحلام //// تغفه أعله صدره ** وتسكن آلآلآم
بكل حلم شافت صورته // جثّـه رميَّه
ما رادت أتفّز وتظــــل // بالغاضريه
وتشبك ترابه *-*تبجي المصابه
**---------------**
هظم وبكل لحظه حيره ** طفلـــه مايسكت بجيهه
ومن يرضّيهه بغايبــــه ** ألَّه ابو اليمـــــه يجيهه
دارت أطفال وحرايــــر** أتذاكرن ماجره أعليهه
ذيج ألي فكدت الطفــــل
ياحال نعرف ينحمـــل
من البجي ماتجزع تمل **فاكدات الكـــــل وليهه
دمعت الاحزان** صرخــــة يتامه ///// تبجي رقيــــه ** أتضعضع منامه
ناشد عله الصوت النذل // من هل لبنيَّه
من طفلة حسين البجي // بهاي المسيَّه
تذكر غيابه*-*تبجي المصابه
**---------------**
أتريد أبوهه ودُّ راســه ** بالطشـت أخذوه ألهه
الخبيث اشجان قصده ** مو عطف رايد قتلهه
شافتـه وشبكت حلمهه ** تعاتبـــه بدمعة أجلهه
بشهكه عله الطشت أنحنت
بلوعــــــــــة يتيمه عاتبت
ناده علـــــــي عمَّه أنتهت ** أتحقق البنتج أملهه
قصّه حزينــــه ** ترويهه لدمـــــــوع //// أحتارت الحرّه ** سشتحجي بالرجوع
شتكل لخوهه أشجم جرح// يحسين بيَّــه
مايكفــــي باقـــي بلآدفن // فوك الوطيه
أتجمَّل عذابه *-*تبجي المصابه
**---------------**

اسم القصيده( رقيه واليتامه)
************************************
هظيمه طفله مسبيه هظيمه **يتيمه هاي البنيه يتيمه
عله هذا الحال **والترحال **يتامانه
**********************
سرور الدار والدنيه بصباحــــــه **فرح بقدومه وآلآم برواحـــــه
ألأخص اطفالنه ويا تشعر الراحه** للمهموم كلامه يطّيب اجراحه
شوسع گلبه ابو اليمه وحنانه
ابليله ويوم صفه خالي مكانه
بعد الروح **صفه مذبوح **أمانه
*********************
اعاني فراگه كل لحظه يسالوني **يعمَّه وين ابونه حسين حيروني
جمر يجري دمع عيني يخلونــي **اگول الغايب ايرد مايعذرونــــي
اشو طوَّل علينه غيابه ياعمَّه
مانگدر عله فراگه لبواليمـــه
غيابه ابعيد**جيته العيد** لينسانه
**********************
وصلنه الشام بعد الظيم وآللآمه **وعله النسوان وايتامي علامه
درب اطويل شمس أوحر ندامه **طعنِّي دهري بهمومه وسهامه
شمس تحرك سگف ماكو يغطينه
دموع اتصيح ݘاوينه اليحامينـــــه
بعد هالصار **خرابه الدار **خلانه
**********************
نسكته اليبݘي من الخوف بالگوّه**يسير ودمعته صارت اله سلوّه
لأن السوط مابي رحمـــه ومروّه**ولونه گوم لاغيره ولا نخـــــوّه
رقيه تگعد وتصرخ اريــــــــــده
يعمَّه هسَّه ݘنت أغفه أعله أيده
ابويه وين **حبيبي حسين **ماجانه
**********************
ابحلم شافت يجي الها يرضِّيه**يلمها ابحضنه وينشِّف بواجيهـا
وعلى صدره يحضنه ويحاجيا**يناشدها بحلمها اشبيها مابيهــا
تريده يمها مشتاگه تشوفه
حلم ماطوَّل أولنها تعوفـــه
دمعها دم **ون أوهم**ولهانــــــه
********************
الگلبي مرمرت دمعاتج رقيـه**شگلها حسين مرمي أعله الوطيّه
سمعها تبݘي گال أشبيها لبنيّه **ودُوا الراس ألها وتسكت شويــه
جابوه بالطشت وجها يشع ابنــــــور
شبگت راس ابوها أودمها گام ايفور
گظت بنته**على طشته**الحلمانه
********************
ثلاث ورود من نحسب عمرها اليوم**گلبها ازغيّرمايحمل جبل لهمـوم
تعاينه التغسلها الظهرمالــــــــــــــوم**علامات السياط تصيح يامظلوم
ݘن الروح منها اتصيح هذا آنه
بعد حسين ابوي الظيم لاگانـــــه
بأرض الشام**دفنَه ايتام**حيرانه
***************