شيعة علي بديرة بلد ناحت ابعبرة **** بدموع و فراگ و ألم تجذب الحسرة
ــــــــــــــــــــــــــــــــــــــــــــــــــ ــــــــــــــ
عندي شكاية لحيدرة و من گلب ملجوم
و الشكوة من ديرة بلد هالنزفت إدموم
يا ريت يسمع شكوتي و يسمع للهموم
و يعلم الصار بشيعتة و شيعة الزهرة
أنة أرد أخبرك يا علي و أرد أسمع جواب
و خافن خطابي يالمك يا داحي الباب
بس الگلب ينزف دمة و تجرح و ذاب
حتى الطفل يا ابا الحسن خنگتة العبرة
جم مجزرة عدنة ابلد صارت يحيدر
يا ريت تحضر يا علي تشاهد المنظر
كل شاب عدنة النغدر جسمة توذر
شبانة مثل الشمع ذابت ابغذرة
بليلة مصابك بالغدر ذبحوا الشبان
شبانة التضوي انطفت لفوهة بأكفان
و بلوعة غسلنة الجثث من دمع الأجفان
و كل شاب نزلنة بلحد بگليبي جمرة
أطفال سبعة يا علي نامت بالگبور
أعمارهة مثل الورد مطوعة النحور
يا ملة تقبل هالغدر و الدمة المهدور
أطفال ذبحوهة بظلم دمعاتي تجرة
خوان ذبحوا يا علي بذيجي المسية
و الروس گطعوهة إبحقد بأبشع رزية
و السبب حبهم يا علي البضعة الزجية
الآهات تبقى و الجرح ما ظنة يبرة
و عدنة بعد أم اولد شأوصف يحيدر
بساعة النادة بالسمة الله أكبر
قتلوا الأم اوية الابن گلبي تفطر
و ثالثهم الذوب صخر يصعبلي أمرة
كل والدة الفگدت ولد فگدت عمرهة
راح الولد منهة بقت تبجي بصبرهة
الله يعين الوالدة الدفنت ضخرهة
ما دفنوا إبگاع الولد بحشاهة گبرة
و نِشَكَر إحنة من الأسد حامي بلدنة
سبع الجزيرة اللي دفع عنة اليضدنة
هو الأسد يبقى الفخر و يضل سندنة
ديرتنة تزهي بهل الأسد تزهر الحضرة
نظرة عطف النة و دعا منك يمولاي
يظهر الغايب للعدل و يضوي دنياي
جم دوب نمل يا علي من جورة اعدايهذا الظلم عدنة طفح و نتاني سرة
أسئلكم بحق دم الحسين (ع)
ما هو حال أم الثلاث أطفال من السبعة عندما سمعت القصيدة؟؟!!
خادم خدام الحسين (ع)
أسير الأحزان
قصيدة عن ثورة بلد - مؤثرة جدا
العرض المتطور
