الى كل محبي الامام علي (ع) اضع بين اديكم قصيده شاعر اهل البيت
الشاعر الكبير زيد السلامي
الضابط
الضابط على متنة يشــــيل رتبة لهاي
حـبـاً او كــره تلــــــكة الــيــقـــدرونه
وحب لحيدرة ياخذ تـحيـــة الـــكــون
الحسن وحسين شايلهم على امتونه
علي بوكت المعارك بجت منه ابطال
وبسلمة اليتامة الـــلي يـــبـــجـونــه
لومر اليتيم اباب ابــو الــحســنــــين
وعيال الوصي احتاروا شيـطـــونــه
علي بكد ماعلـي وشكثر رحمةالبيه
كبل بابة يفـــك طـــلاكــة اعــيــونه
علي شيد سجن بعيون كل الــــناس
فشلوا غيره من رادوا يــشــيـــدونه
سجن دمع اليتـــامة ودمعة المظلوم
ودموع الأرامـــل بيـــه مســـجــونه
كلشي وبي ثواب يتقنة داحي الـباب
تقرب للــــجليل يجيد مضــــــــمونه
يــــدري زيارتة تقرب الشــخص لله
يشك كبرة ويــــطوف ويـاليطوفونه
عــابد كلمن اتباوع لــــــبوالحسنين
جا كلي عـــــلي نفــــسة شيسمونه
(ميـــثم) حب علي وكبرة مزار ينور
ومـــن اقصى الدول كاموا يكصدونه
مقــــــام لحيدرة مـــــوقعة اباكستان
تسابق بيــــنهم بالــــــــذهب يبنونة
واحنة ابــــاب حيـــدر قنبلة يحطون
صــــحن حيــدر علي رادوا يفلشونه
نتأسف علـــيمن وحنة بينة الصوج!
ونذب صوجنة بــــراس اليصوجونه
قطام وابن ملــــــجم وابن ابو سفيان
علينه اتوحــــــــدوا كـــاموا يفرقونه
واحدنه اعله نفسه يشيل بيده سلاح
ومـــــن يدير وجهه اتكـتطعه سنونه
الافريقي اليجوع انصير اله ماعون
ساعدنه الدول كلـــهم يــــعرفـــونه
يا وسفه الافريقي علينه كام يجود!
من بركاتـــنه الـــزادت بــماعــونه
قصيدة الضابط للاستاذ الشاعر زيد السلامي
العرض المتطور
