[زكي الياسري]

ثوابها الى اموات القراء الاكارم .. و اموات شيعة امير المؤمنين المنسيين


وأسألكم الدعاء



خادمكم


زكي الياسري النجفي




بصوابك صابوني و فجعوني وهضموني


عباس اتولوني و سـلبوني و ضــــربوني


لو تسأل جفني المانام ... يحجيـلك عــــن الالام


**1**


مشى دهـر النوايب عاشر ابعاشور .. اعمى و بينه يتعثر


يهاشم بدرك الساطع طفاه الجور .. شوفه اعله الثره امعفر


يهاشم خيل اميه اشداست امن اصدور .. من لب الفخر افخر


يهاشم يا خدر تدري صبح مشهور .. خدر المصطفه الاطهر!


زينب و بأخزاني و ميداني وصيواني


محتاره ابرضعاني و نسواني و نيراني


إنشد عباس الضرغام ... يحجيلك عن الالام


**2**


على نوك اليسر من كربله اطلعنه .. للكوفه بألم ساري


يا ريتك شفتنه وشـــفته مدمعنه .. وبطول الدرب جاري


يعباس ابمغيبك خويه لوَّعــنه .. الحادي و يعلم الباري


يعباس الشماته تصرخ اسمعنه .. حسينك عـلترب عاري


احقاد و صبّوهه و ذاعوهه و كَــــالوهه


اسرار وكشفوهه و فضحوهه و علنوهه


لو تِسأل جور الايام .. يحجيلك عن الالام


**3**


سبيه و علهزل يا خويه خلــــــوني .. تقبل يا ســـــديد الراي ؟


زينب بت علي ومن عزي حرموني .. ماضن ترضه يا رواي


اميره امعززه بجــــــالك يهـــابوني .. بعدك من يضل وياي


لو ادري اخســــــرك يا ضوه عيوني .. ما كَتلك اريد الماي


غدروك و غدروني و حرموني و ذلـوني


ظلموك و ظلموني و فجعوني وخانوني


تبجي بضيعتهه الاحلام .. تحجيلك عن الالام


**4**


يبو فاضل شفت علمشرعه زنودك .. الحرم شافنهن اويايه


و شفت جسمك عفير وعلترب جودك .. طايح منسجب مايه


يلسيفك صواعق يجـــدح ابـــزودك .. سيفك وينه و الرايه؟


يبو فاضل وســـف بالهامه عامودك .. عكَبك طاحت الثايه


وخيامك حركوهه و سلبوهه ونهبوهه


وطفالك رعبوهه و هضموهه و يسروهه


اطفال ابولية ظلام ... تحجيلك عن الالام


**5**


يبن حيدر علي ذاك الدحه خيــــبر ... ذاك الي ضرب مرحب


عكَب عينك يخويه كل كَلب مـجمر .. بفراكَك يضل يـــلهب


عكَب عزهه الفواطم خويه يمـــشكر .. علضهور الهزل تركب ؟


انته الطلعتنه ابهــــــــــــيبة المنضر .. انتــــه اتكـفلت زينب


كافلهه اوواليهه وراعيهه وحاميهه


حارسهه اتباريهه وراويهه وساقيهه


تقبل تتيسر للشام .. تحجيلك عن الالام


**6**


عجيبه اشلون صبري ما يمل مني .. شفت اهموم يابو هموم


شفت يا خويه منضر شوفه هدمني .. عكَبه ما حلالي النوم


شفت ضهر الحسين ابوكّعتك محني .. يصرخ للحراير كَوم


سْمَعِتْ ينده يخويه منهو ينصرني .. خويه استوحدوني الكَوم


بغيابك صابوني و ذبحوني و غدروني


بخيول اتعنوني و سحكَوني و داسوني


جرد يا خويه الصمصام ... يحجيلك عن الالام



تمت ببركات الحسين عليه السلام


16/1/2010


كيل


زكي اليـــ النجفي ــاسري

[نسايم]

اللهم صل على محمد وال محمد وعجل فرجهم وفرجنا بهم

السلام على الحسين وعلى علي بن الحسين وعلى أولاد الحسين وعلى أصحاب الحسين وعلى أخت الحسين وعلى حامل لواء الحسين

أبدعت بحرفك أيها الياسري

محبرةٌ وفيه لـ أنامل حسينية سخية

جعلها الله في ميزان حسناتك

دمت بولاء الأطهار ...