[انتصار الدم]

بسم الله الرحمن الرحيم
قصيدة لشاب يروي ماساته كان في البيت وحده وطلبت منو امه انو يوصلا لاحد الاماكن لشراء بعض حاجيات البيت قال الف اوف لها قبل ان يذهب معها وراح يمشي بسرعة جنون فوق التصور وامه ترجوه وتطلب منه ان يخفف من سرعته ولكن دون جدوى كان يهزأ من كلامها ويسرع اكثر فأكثر كأنه يسخر منها وما حدث انه تعرض لحادث سير فظيع انتقلت والدته على اسره الى جوار ربها وهو كانت جروحه بسيطة واليكم ما كتب
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني


وانا ابكي واتنهد وارسم بالحزن لوحات
يجبروني عشان امشي ورجلي ما تمشيني


قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني


وكنه حلم قدامي يقيدني من الصرخات
ابي اصحى ولكني عجزت القى ال يصحيني


فداك القلب يايمه ومهما قلت من كلمات

صغيره في كبر حقك بس اتمنى تعذريني


نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني


تجول عيونهم فيني تفصل مني قياسات
وتشيح وجوههم عني وكني غيرت ديني


يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني


نقص قدري بعد موتك وغابت نشوة اللذات
وصار الهم عكازي اباكيه ويباكيني


عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني


يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني


يايمه ما تحملهم يقولوا فات ما قد مات
تعالي غيري هالقول واطيعك باقي سنيني


واترك عادة التدخين وانفذ ما تبي بسكات
واصلي الفجر في المسجد قبل منتي تصحيني


يايمه ارجعي تكفين وطفي شمعة الآهات
ابيك انتي ولا غيرك على موتك تعزيني


وضميني وداويني مثل ما كانت الهقوات
ما ابي احدن يواسيني ابيك انتي
تواسيني


دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[عاشقة النجف]

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني


احترت يا اخي بين سطور وكلمات هذه القصيده
ماعساي اقول
واي كلمة تجازي هذا النبع الصافي اللذي اهدانا اياه الباري
بارك الله بك
وحفظ الله لنا امهاتنا بحق البتول الزهراء
موفق ياااااااارب