[زكي الياسري]

موشح ولاء ... الى كربلاء الفداء ... اهدي ثوابه الى ارواح اخواني ... الشهيد السعيد عدنان و الشهيد السعيد امين و المرحوم علي .. والى اموات القراء الكرام .. واموات شيعة امير المومنين من لا ذاكر لهم يذكرهم و أسألكم الدعاء و الفاتحه

زكي اليـــ النجفي ـــاسري

والله تاريخ المجد بيك ابتـــده .. يا حسين الهلــــشعار انردده

يا شهــــــيداً

يا شهـــــــــــيداً

يا شهــــــــــــــــــيدْ

**1**

يا سبط ياسين يا شمس الفخر .. قطره مجد العـالم و مجدك بحر

وابمحيطك سيدي يحله السفر ... شلون جودك يا شهـــيد انعدده

**2**

يا حسين ابكربله نورك سطع ... سيدي لولاك عرش الله نصدع

دين طاهه ابدمك اليوم ارتفع ... من رميته للسمه ابجف الفِـــده

**3**

يا جبل ايمان يلســفحــك سمه ... تحت ضلهه الغيم يمطر مرحمه

مو عجيبه و انته امك فاطمه ... رحمة الله ابهلــكيان امجـــــــسده

**4**

سر خلودك يا وريث الانبيــــاء ... دمك الي سال عــــــنوانه الفداء

كعبه بسمك اصبحت كل كربلاء .. صومعه بكل العواصف صامده

**5**

انته افقك يا حسين ابلا حدود ... باقي يا مولاي من بعــد الخلود

نهضتك ثـَبــِتـَت كل هذا الوجود ... خاسر البلدنيه قصدك حدده

**6**

انته صرخة رفض معلوم شتريد ... من كَلت للدين مرخوص الوريد

صحت لا والله ما بــــــايع يزيد ... هذا ابو ســــفيان عده وارشـــده

**7**

هذا شارب للخمـر عابد صــــنم ... بالسـقيفه البيعته العهد انرسم

بيد ابو بكر وعمر- وابن الحكم - ... هذا - يا سامع - مرامه ومقصده

**8**

شورى كالوا والرعيه التنتخب ! ...لاجن الثاني تعيــَّن !!! يا عجب

و بسقيفة ساعده الدين انغصب ... واجب ابدم الشهاده انسانده

**9**

يا رسول الله يا جدي النبي ... مطلبك يابويه اصبـح مطلبي

شاء ربي هلحراير تـنسبي ... وراد بدمــــاي الفداء ايجسده

**10**

كربله منهج بناء المجتــمع ... بيهه كل دين السماوات انجمع

من برز عباس للماي ورجع ... ثبَّت الدين ابجـِـفـوفه الخالده

**11**

هذا عباس الشهم هذا الكَمر ... هذا بــِجْــبين الدهر تارك اثر

هذا قاموس المناقب والفخر ... هذا صنديد الملاحم والده

**12**

هذا امه البلوفه صارت مثل ... هذا سيفه اتربه من حرب الجمل

مِثل ذو الفـقـّـار بيمــين الفحل ... روس صفين اعله هذي شاهده

**13**

هذا كافل زينب و نِعْم الكفيل ... هذا عبد الصالح المـــالــَه مثيل

هذا لو تاه المجد .. هوّه الدليل ... مو عجيبه وبطل خيبر مُرشده

**14**

هذا روّاي العطاشه الضاميه ... هذا اخلاقه الجليـــله الساميه

هذا لو رحّى الحرايب حاميه ... تنطـفي لو سيفه سله وجرَّده

**15**

يا حسين اشلون من شفته السهم ... نابت بعينه وكِسَر ضهرك الم

واعَد اسكينه وقـَسَمْ أقـْسِمْ قـّسَمْ ... لوله امـر الباري جان افنه العده

**16**

يا حسين الفاتـحه ام الكتاب ... وانـت سر الفاتحه وســـــر الثواب

و اليحبك و الله ميضوكَـ العذاب ... بالصحاح السته هاي المُسنده

**17**

آنه من احسـين كَال المصطفه ... وهوه مني ابكل مزيه وكل صفه

واليحبه يحبني والضَدّه وجفه ... سقر يوم الحشر تصبح مورده

**18**

ثورتك ثورة عدل ضد الفساد ... شجرة تثمر انتصارات وجهاد

منهه كل ثاير تــِـعلــَّم واستفاد ... هدمـــت كل العروش الفاسده

**19**

بالشرع .. بالدم ابد ما ينغِــــسل! ... هذي نعرفهه بمصاديق العقل

بس دمائك طاهره وما تنشمل ... والوضوء الديــن دوم اتجدده

**20**

جامعة احكام صــــارت كربله ... خلت بكل عرش ظــالم زلزله

صح تراب و كاع لاجن بوصله ... كل ضمير التاه هيه الترشِده

**21**

يا سيوف الحزت اوريد الشهيد ... لو تضنينه هــلك ضنـــــج بعيد

حسين كلما مر زمن يرجع جديد ... حسين نور و الله هوه ايجدده

**22**

شاهد الشام اشبقه منهه وخلد ... وين كّبر ايزيد كَلي ابيا بلد

وعد من الله و الله اعله الوعد ... حاشه رب الكون يخلف موعده

**23**

وَعَدْ تــُورثهه الارض اهل الصلاح ... اهل بيت المصطفه اهل الفلاح

وبيد الحسين ابتــده درب الكفاح ... ويـــــــم ابو صالح نهاية مكَصده

**24**

بيد ابو صالح ترد كل الحقوق ... و تندحر بسيوفه رايات الفسوق

بالامالي طالع اشيروي الصدوق ... عن معالم دولة الله الراشده

**25**

يا صعيد الطف تِعَـــَّذر من علي ... شلون خليت الحــراير تنولي

شلون تبخل بالفرات الممتلي ... شلون ما تروي الغريب ابمفرده

**26**

شتعتذر من فاطمه لو نشدتك ... عن ابنـــهه الطاح جثه ابتربتك

يا تراب الطف جـِــليله امروتك ... فوكَـ تربك تنفـــــجع هالوالده

**27**

شلون يا طف من حِضر طاهه الامين ... بصارم الاحقاد يا منحر طعين

مـَــنحر القرآن لو نحر الحُسين ؟ ... يا نـَحَــر؟ طاهه ابصعيدك فاجده؟

**28**

يا تراب اعليك نقسم بالجليل ... شلون سبط المصطفه يوكَع قتيل

شلون ميزان البسيطه ما يميل ... و الحسين العطش فــتَّه ومرَّده

**29**

انه شيعي و ما ابيعـــن مِلِتي ... يا حســـــين اوياك عايش دنيتي

و يمك اتمنيت تصبح موتتي ... وجسمي يمك كون يصبح مرقده

**30**

سيدي ما انسه طفك للمـــــات ... شلون انسه كربله و هيه الحياة

عالعهد يحسين ثوره اعله الطغاة ... كل مجاهد بيك يحسين اقتده

كل مجـــــــــــــــاهد بيك يحسين اقتده

زكي الياسري النجفي

ليلة الثالث من محرم الحرام ســ 1431ــــنة

كيل

يا رب .. أسألك و ادعوك بحق كل حرفٍ في هذه القصيده

الا ما فرجت همومي و هموم قرائها الاكارم

الّهم عجل فرج مولانا صاحب الزمان

و اجعلنا من انصاره و اعوانه

ومن المستشهدين بين يديه

اللّهم شافي مرضانا

اوفي ديون المديونيــن منا

اقضي حوائجنا

وسهل امورنا

يا كريم يا كريم يا كريم

برحمتك يا ارحم الراحمين

وصل ِ اللّهم على محمد ٍ و ال ِ محمدْ