[لمار]

قال الشاعرالمرحوم الحاج هاشم فليح حسن واصفا حال عقيلة الطالبيين ليلة الحادي عشر من محرم الحرام

يا علي الليله العقيله اشحالها
بين اهلها وبين جمع اعيالها

بين جمع اعيالها وتجري دمع
وبين اهلها ومرتبك منها الوضع
صوت نادت والنده ماينسمع
وامست بحالة رثه يرثالها

امست بحالة رثه ومحتاره
والكلب شاجر وتلهب ناره
حالك الليل ويريد انطاره
ولا ولي عدها اليلم اطفالها

و لاولي عدها و كضت منها الزلم
و ال اميه وجيشها اعليها هجم
ما كفاهم نادوا بحرك الخيم
والخيم فوك الرمال ارجالها

ما وصلك يا علي عنها خبر
امست بحالة اسى وحالة قهر
عكب اهلها اميسره وي اهل الغدر
العقيله والعده التبرالها

يا علي تدري اشجره اعليها وسده
كل اهلها بالمعاره امدده
شلون تمشي اميسره وي العده
وبوجودك ما انشاف اخيالها

بسمك اتناديك يا عقد الوله
غمضن اعيونك يراعي المرجله
ما دريت حسين عاري بكربله
وال اميه تفتخر بافعالها

وكفت تنادي ومدامعها تهل
والكلب ينزف دمه ولا يندمل
بالمعاره حسين واصحابه جتل
والجثث ما واحد الوارالها

نادته يحسين دلالي انمرد
خويه بعدك بالحيا شلي بعد
واحد وسبعين وصلت العدد
ياهي مثلي هالعدد راحالها
الفاتحه للشاعر
يرحمكم الله

[ombaseem]

هالقصيدة جداااااااااااا حزينة وتصور حال السيدة زينب عليها السلام
مشكور اخويي عليها
اختك ام باسم

[نسايم]

اللهم صل على محمد وال محمد وعجل فرجهم وفرجنا بهم

السلام على الحوراء زينب


أحسنتم موفقين لكل خير

بانتظار المزيد من ابداعات الشاعر كريم فليح

دمتم بولاء الأطهار ...