[ثورة الحسين]

عباس الفخر ** للمرتضى يقسم
عدوان الحسين ** اذبحه بالجفين
عباس الفخر للمرتضى يقسم
ــــــــــــــــــــــــــ
هو عباس ومنطي عهد
لحيدر الكرار وبيه انسعد
بوسة الجفين صارت سند
انطبعت عله الجفين وصارت وعد
وحب حسين لراسي صعد
ويوم الطفوف اتشوف الوعد
سيفي غضب ** للعدوان يهزم
بأطراف الجفوف ** اكلبه الطفوف
عباس الفخر للمرتضى يقسم
ـــــــــــــــــــــــــ
حسين يستاهل مني العيون
اني شهم وطبعي حنون
لحسين انكلب نار وجنون
واكطع رووس البيه يمرون
واخلي العده لحسين يبجون
واني لحسين خادم وممنون
سيفي نار ** للاشرار يعدم
ابصولة الكرار ** اهزم الاشرار
عباس الفخر للمرتضى يقسم
ــــــــــــــــــــــــــــ
وين عدوان حسين بعيوني ماشوف
خالي وادي الطفوف جاوين الالوف
كالولي ماتنحسب وتجلب الخوف
وين ذابت كل هاي السيوف
كالولي هاي واكفه اصفوف
لاجل حسين افنيه باطراف الجفوف
سيفي كاسر ** للاسوار يهدم
كلي يحسين ** افنيه وين
عباس الفخر للمرتضى يقسم
ــــــــــــــــــــــــــ
اليوم الطف حركه ابنار
والروس لحسين اجلبه تذكار
اختار يحسين ابكيفك اختار
اباب صيوانك كل هاي الاشرار
لخاطرك تركع وحك المختار
والقياده اتعلمته منك يامغوار
سيفي وفه ** للاطياب يكرم
لحسين الابرار ** اسويه طشار
عباس الفخر للمرتضى يقسم
ـــــــــــــــــــــــــــ
عدوانك يحسين وين صارت
اجيبه امجتفه حته لو للسمه طارت
وبصيوانك كل اعقوله احتارت
وبهيبتك يحسين كله حارت
وباب صيوانك ركعت ودارت
افنيه لحسين الغيره فارت
سيفي قاصم ** للموت يرسم
اهزم الكفار ** مااخلي اشرار
عباس الفخر للمرتضى يقسم
ـــــــــــــــــــــــــــــــ
لو ردت مني الفرات اقلعه
بجفوفي وكدامك مايه اودعه
واليوكف كدامي بجفوفي اكطعه
ولحمه كدام حسين اوزعه
ما اريد جف برموشي اذبحه
سيفي صارم ** للاصوات يكتم
لبو اليمه ** احارب ابهمه
عباس الفخر للمرتضى يقسم
ــــــــــــــــــــــــــــ
فار دمه من سمع زينب اتنادم
وي حسين واتكول الصبح قادم
للانصار يحسين انته فاهم
سمع حبيب وكال نهزم الوادم
وهتف عباس لزينب شبل هاشم
كدام صيوانج اركعه بالصارم
سيفي ضامن ** للميمنه يهجم
لاجل الخدر ** روحي نذر
عباس الفخر للمرتضى يقسم
ـــــــــــــــــــــــــــ
خدرج يزينب ابسيفي معكود
اوسام ابصدري يختي مشدود
نامي ابرغد واني اله موجود
واجيب رووس العده كدامج اشهود
وبصولاتي يزينب يفخر الجود
ودمعه ماتنزل الج وعندي ازنزد
سيفي ضوه ** للظلام يصدم
ابخيمتج جفي ** للعدوان يفني
عباس الفخر للمرتضى يقسم
ــــــــــــــــــــــــ
ماكلت يحسين بلساني يوم
اناديه سيدي ومولاي دوم
ويوم المنيه صحت يحسين كوم
اسد غضبان اجه وذبحه هالكوم
وغمرني ابحنانه وبلل هاي الاهدوم
من دمع عينه وعيونه اتحوم
جفي وعد ** لحسين يقسم
خليني امجاني ** انته عنواني
عباس الفخر للمرتضى يقسم
ـــــــــــــــــــــــ
يحسين ارجوك خليني امجاني
واعدت سكينه ياخويه تراني
ابشربت ماي ومستحي اني
خليني ابحضنك يااغله اخواني
ومن بعدي يحسين انته عنواني
كتلني الحزن يحسين تبقه وحداني
جفي سند ** لحسين يقدم
ابحضن حسين ** غمضت العين
عباس الفخر للمرتضى يقسم
ــــــــــــــــــــــــ
بقلمي خادم اهل البيت (ع)
(عبدالله الشاعر)

[نرجس*]

تسلم الايادي
صح اللسانك


نرجس

[محمد الغزي]

تسلم يا طيب

كلام رائع