عـليـلـه وفـكري محتار ــــــــــــــ يـبـويـه موحشـه الـدار
يـبـويـه موحشـه الـدار
* * *
يـبـويه الـروح مفجـوعه ولابــت ـــــــــــــــــــــــ وبگيت أسحن مرار الصبر والهم
دلـيـلـي اتگطــع ومـا ظل ولا بت ـــــــــــــــــــــــ هـلـي راحــوا عليهم أحن والهم
لا والــد مـثــل حالــــط، ولا بــت ـــــــــــــــــــــــ مثل حالي، وحملت الهظم والهم
دليـــلـي اتسـجَّـر ابنـارـــــــــــــ أنـوحـــن لـيـل وانهــار
يـبـويـه موحشـه الـدار
* * *
اهــلالـك غــاب يـا مظلـوم ماتــم ـــــــــــــــــ الـهـظــم لاحـت اهـلالتـه وهــلها
عليك انصبت وسط الگلب ماتــم ــــــــــــــــــ واسيل ادموعي لمصابك وهــلها
كـــل والي وأخــو بهـالدار ماتــم ـــــــــــــــــ اشـحـال التفگد اخـوتهـا وهــلها
عـگب اهلي الدهر جارــــــــــــــ مـرض وهـموم واكدار
يـبـويـه موحشـه الـدار
* * *
منــــك مــا بعــــد جـيَّـــه ومــرَّه ـــــــــــــــــ أخـط اعـلـه الگلب حزني وسايل
شــفـت بعــدك شدد صعبه ومرَّه ـــــــــــــــــ وأناشـــد عـنـــك الـوادم وســايل
مـره ادموعي امســـحـهـا ومـرَّه ـــــــــــــــ أصـــب الــدمـع لفـراگـك وسـايل
عگــب غيـبـة الأنــوار ــــــــــــــ اصــب الـدمـع مــــدرار
يـبـويـه موحشـه الـدار
* * *
زمــانـي اخــلاف ولـيانـي ولاني ـــــــــــــــــــــ إلى مهجـه انفـنت إلـهم واليروح
الحزن غيّر وصف وجهي ولاني ــــــــــــــــــــ عليهم وانشد اليرجـع والـــيروح
لانــي اعـلـه الصبر أگــدر ولاني ـــــــــــــــــــــ أگدر أحمل اصوابي والــــــيروح
يبويه اشصـار ما صارــــــــــــ بـگـيـت اتنـــطـّر اخبـار
يـبـويـه موحشـه الـدار
* * *
لــون تحـسـب مـحـن گلبي تراكم ـــــــــــــــ أعـــد همـومـي واتـحـيّر بعدهـــا
الحزن عالگلب يــا بويــه تـراكم ـــــــــــــــ وبعــدهـا الـروح تـنـتـطَّر بعدهــا
بـعــد مـا اصـدِّگ عيـوني تــراكم ــــــــــــــــــ وزمـانـي اوجوهكم عني بعدهــا
شـفـت ظعن الأهل سار ــــــــــ اخــذ أهلي والانصــــار
يـبـويـه موحشـه الـدار
* * *
اشداد الصبر مني انگطع ونحيل ــــــــــــــــــــ وزمـانـي ايطشـر افـكاري ولمها
ناديــت الگــلب مـن تـون ونحيل ـــــــــــــــــــــ اشــحـال المـالهـا والــد ولـمــهـا
عليله وضعف مني الجسم ونحيل ـــــــــــــــــــ يبـــويــه وعـلّتــي زايــد ولمـها
بـعـــد مــا ظلـت افكــارـــــــــــــــــ حــزينـه وحيـلي منهار
يـبـويـه موحشـه الـدار
* * *
العـتـب شـيـفـيـد مـا أعتب ولالام ــــــــــــــــــــــ وجمر عتبي ابمراعي الچبد يرعه
الــدهـر فـرّّق شمل أهــلي ولالام ـــــــــــــــــــــ راح الچــان الـي بهـالـدار يرعـه
مهجتي بالمــرض تـرزح والآلام ـــــــــــــــــــــــ وكلســا أجـرع من الموت يرعـه
عـلَي چـف الأجل شــارــــــــــــ بعــد شـتشوف الأنظار
يـبـويـه موحشـه الـدار
عـليـلـه وفـكري محتار (الأستاذ جابر الكاظمي)
العرض العادي
