[ميثم الرماحي]

للموت للموت منعوفك يوالينه
.... ..... ....

نقسم بضلع امك الزهره البتول

مانعوفك باابن فحل الفحول

ضاكت وغيرك فلا عدنه حلول

يافرجنه من تضيك علينه

.... ..... ........

دارت علينه النواصب ياحسين

اتطالب بثارات من بدر وحنين

لا مثل لائك هتفنه رافضين

ومن دمانه الهم خبر ودينه

.... ....... .......




كفرونه وكالو الشيعه فجور

وحللو تفجيرنه وكطع النحور

بدعه كالو سيدي لطم الصدور

شضارهم من نلطم بايدينه

...... ....... .......




هاي دنيه وكل زمن تلكه يزيد

وكربله كل يوم ترجع من جديد

جم وريد انكطع لجللك وريد

عالجمر مشايه الك ردينه

....... ........ .......




الناس بالكعبه تحج طول السنين

وانت صارت حجتك بالاربعين

نطوف سبع اشواط نهتف ياحسين

وبالحجر نرمي الذي يعادينه

...... ........ .........




جني بالعباس يتلكه الصفوف

واكف ينادي هلله بهاي الضيوف

بيده شايل جود من يوم الطفوف

بيده قرر لازم يروينه

ميثم الرماحي

[رياض الرسل]

السلام عليكم

الشاعر ميثم الرماحي
اهلا وسهلا بكم في هذا الصرح المبارك

قصيدة رائعه

وفقكم الله وسدد خطاكم

دمتم موفقين لخدمة
محمد وال محمد


رياض الرسل

[الروح]

السلام عليكم
بوركت الأيادي جزاكم الله خير الجزاء
موفقين شاعرنا الكريم
تحياتي

[ابو كرار القاسمي]

هطولك الجميل كان منتهى الروعه والاعجاب اخي ميثم الرماحي اليك جزيل شكري اخي ودمت موفقا

[حميد م]

بوركت كلماتك الماسية...... التي ابدعت بها الحناجر الحسينية
تحياتي لك ابو سجاد

[كريم السعبري]

ميثم الرماحي
اتحفنا اتحفنا
بهذا الابداع وانت اهل لذالك

السعبري