|
|
شاعر
|
|
رقم العضوية : 39574
|
|
الإنتساب : Aug 2009
|
|
المشاركات : 1,995
|
|
بمعدل : 0.35 يوميا
|
|
|
|
|
|
المنتدى :
المنتدى الثقافي
يبن آدم !
بتاريخ : 11-07-2012 الساعة : 05:45 PM
قصيدة حدود المقبرة
م . للاستماع لبعض ابيات هذه القصيده بصوت الرادود الرائع
ياسين الوائلي التي انشدها لأحد إذاعات بغداد
من هنا
هيّه رمشة عين يبــن آدم تره بينك و بين الاجل رَمشة نظـــر ...... ماكو مهـــرب من مقادير الدهر شوف زادك قبل ميعاد السفـــر ...... كَبـــــل لا توصل حدود المقبره هيّه رمشة عين يبــن آدم تره يبن آدم باجر ايحين الاجـــــــــل ... لو بعد ساعه يجي الموت ابعجل لو بعد لحظه و تحس ضيفك وصل ... وما تفيد الضيف كَبرك معذره هيّه رمشة عين يبــن آدم تره شوف روحك يبن آدم واتعض ...... بيش تشغل نفسك بوكت الفرض تكَوم للمحراب لو تنظر عرض ............ شاشة التلفاز تسمع ثرثره هيّه رمشة عين يبــن آدم تره شوف نفسك لو اجوك الاصدقاء .... يا حديث ايدور وي وكت الغذاء غيبه؟ لو اقوال تخدش للحياء ........ لو حِـكـَم آل الرسول الطاهره؟ هيّه رمشة عين يبــن آدم تره دير بالك تعتب اعله اطفالك ................ لو فعلهم صار ما يحلالك راجع احسن قائمة اموالـــك ..... شوف مالك شنهو اصله و مصدره! هيّه رمشة عين يبــن آدم تره يبن آدم ثق تره مال الحرام ............ ياكل اخلاق الطفل قبل الفطام حيث بي تشري المشارب و الطعام ... و الاكل شر يصبح بدمهم سره هيّه رمشة عين يبــن آدم تره يبن آدم فكر بضغــط الكَبر ................ منه ما تنجو استمع هذا الامر حيث يضغط جسمك اليوم الحشر ....... هلعذاب تنوله لو تضرب مره هيّه رمشة عين يبــن آدم تره عن رسول الله اخذ هذا الكلام ........ سوء خلق المرء وي اهله حرام اجعل ابّيتك تقاليد الســــــــــلام ... واصقل اخلاقك ( كصقلِ الجوهره) هيّه رمشة عين يبــن آدم تره هيه رمشة عين لنك بالكَبر ............. شوف حالك ويه اصحاب الامر اهل بيت احمد الك خلهم ذخر ......... و صير زين الهم تنول المفخره هيّه رمشة عين يبــن آدم تره يبن آدم شين لا تصبح ابــــــــد ... حيـــــث كَال الصادق و كَوله سند الما يطيع الله مو شيعي وبعد ......... ابد مــــــــا نشفعله يوم الآخره هيّه رمشة عين يبــن آدم تره
| |
|
|
|
|
|
العرض العادي
