[زكي الياسري]

لو يرجع علي
.. ع ..



ما بين القوافـي اوواقــع الأحـوال
ألم سبّب يقـاري ابمهجتـي حسره
ألم واقع مرير ايمُـر علـى الإسلام
جعَل وحي المشاعِر يستعر جمره


سألت الروح عـــن ماهية الانسان
جواب الي إجانــــي واضح الفكره
البشر مو للعبث مـن صوّره الديّان

و الشاهد على المكتـــوب بالفِطره
البشر لجل العبادة و رفعة الانسان

بت الباري يوم الــي خلــــق بمره

لكن وين صرنه وضاعت الأهداف

وضـاع امن الأمين المـؤتَمن سره

ضيعنه الامـر بالجانــب المعـروف

وبالمنكر صُبَــح امر البشَــر جُهره
أسقطنه الوجوه اليشع بيهــه النور
و رفعنه الوجوه الســوده والصفره
و اكتبنه الديانـه ابدفتــر الـــــدولار
و اضربنه المبـادئ و القيَم دفـــره





لو يرجـع علي الكـــــــــرار هلأيـام
ويلقـي اعله السَراير والخلَـكَـ نظره
ويشوف السياسة اشسوّت ابهلناس

و اليا حد وصل بينـه الزمن غــدره

و يشوف الجهل سيطر على الاهواء
جعــل حته الصدر يتبرّه من صـدره

گبل واحد عُمر و الباب واحــد چان

هسه اشچم نذل يعصـرها للزهره ؟
چم قنفذ ضرب متن القدس بالسوط
و چم خالد سطر خد القــدس سطره
و جم حاقد زنيم اتعدى حد العـــــار
عادت بيــده عين ام الحَسن حمـره

گبل واحد قميص ابـدم فشَل عثمـان

بيد ام الجَمَل اصبح عَلــــــــم ثورة

هسه اشچم جمَل تنبح عليه اچلاب

وچم بلده اصبحت لم الجمل بصره؟

و اشچم رافضي باقواله مؤمن صار

ومن آل النبي ابأفعالــــه يتبره ؟؟؟


العدل ما ينسجـم وي لمعــــة الدينار

و طابور الظلم يتمتّـع ابشهـــــــــره
و ديوان المظالـم مغلق البيبــــــــان

رغم يمّه انحفــر من الدمه مَجـــــره

ولو عاد الزمـن و انعــــــادت الايـام

و التاريخ عـاد ابحلــــــــوه و ابمره
چا عاد الرضي ونهــج البلاغة اوياه
لچن مو جزء واحد چا كِتَــب عشـره

وچا هدّم ضريحه ابفاس ابوالحسنين
او وزّع هلذهــــــــــب علعالم الفـُقره

لو يرجع علي قائد الهاي النــــــاس

جان افته المَقـــود ابجهلـه وابكفـره
و چا صاروا خوارج اغلب اليبچـون
و محراب الخديعه اليفتي بالطبــــره

وچان اصبح رئيس وفــارس ومغوار

و قائد للمسيـرة اليكشـِــــــف العورة




زكي الياسري النجفي
14.07.2012

[البدري14]

الله الله
هكذا هو الابداع
حليفا لزكي الياسري
موفق

[فضّه]

احسنت اخي الشاعر على هذه الابيات المؤثره

ونسأل الله ان يعجل فرج مولانه وينصر الاسلام وينقذ المسلمين


وفقك الله

[زكي الياسري]

الحبيب البدري
مرورك العزيز اثلج صدري
حياك الله و ادامك لي ذخراً و للشعر

تحياتي الخالصة

[زكي الياسري]

فضة
اسم يحمل ذكرى فاطمة ع

حياكِ الله يا اختي الفاضلة
و اطرائكم وسام على صدري

تحية بحجم الم السياسه

[كرار حيدر]

لو كان عندنا اليوم واحد من النخبة المقربين للامام على سلام الله علية
مثل عمار او الاشتر او اباذر لكان حالنا ليس كمثل اليوم
فما بالك بالامام سلام الله علية
وفقك الله أخي
على هذه الابيات والموعضة

[زكي الياسري]

حياك الله ايها الحبيب حيدر الناصري
نسأل الله تعالى الفرج القريب العاجل

تقبّل مودتي ايها الحبيب

[ابوتكتم الخير]

الشاعر زكي الياسري
ليس كل مايتمناه المرء يحصل عليه
والمؤمن هنا تكشف سرائره وبالشدات يعرف المعدن
والزمن كالغربيل وفيه الناس للأختبار
القصيدة رائعة ولكن اقول لك أن أمير المؤمنين علي موجودوأنظر حولك فتجده
وهو القائل( أنا لا إصلحكم بفساد نفسي )
لك تحياتي أيها الغالي
عذرا لأطالتي

[زكي الياسري]

حيا الله الحبيب ابو تكتم الخير
نعم هو موجود بيننا و قلبه مُلئ قيحاً

السلام عليك يا امير المؤمنين
و عجّل الله فرجنا بكم

[الروح]

الياسري ..القدير ..
أبيات لو أتيح لي لكتبتها على باب أمير المؤمنين ..
فعلاً أبدعت وَأجدت حين صغت هذه الرائعة
فقد ملأت قلبي بها ألماً لكن نشوتها تغمرني
أين ساسة اليوم من المتشيعين عن حُكم علي عليه السلام ...!
لنا الله ..