[** مسلمة سنية **]

اللهم صلّ على محمد و آل محمد و عجّل فرجهم و العن اعداءهم

السلام عليكم و رحمة الله و بركاته


كل عام و الجميع بألف خير يا رب


طبعاً في الأعياد لا بد من حلا العيد ... الأغلب بيعملوا معمول ( كعك بعجوة و العجين من سميد ) ... هلا أنا دايما بحب تكون ضيافتي غير ... يعني كل البيوت معمول معمول ... عندي بيلاقوا شي مختلف ...

كل سنة بعمل شي ...

هالمرة عملت كعك بعجوة ( لكن العجينة من طحين , أخف دم من السميد ) ... و كمان عملت طابات الشوكولاتة ... طبعا أنا عندي قصة عشق و هيام مع الشوكولاتة :p ... المهم بترككم مع الصور ... يمكن تشوفوا شكلها عادي ... بس طعمها روووعة ...














شوفوا ما ألزها من جوا ^_^ :






الطريقة باختصار :

بتحضري كيكة سودا بالطريقة المعتمدة عندك ... لكن خففي السكر ... يعني رُبع كمية السكر المعتادة بيكون منيح ... و كمان خففي دسمها ( الزيوت أو المرجرين اللي بتضفيهم ) ... خليها نصف الكمية المعتادة ...

بعد ما تخبزي الكيكة ... اتركيها تبرد ...

بعدين فتفتيها

و ضيفي عليها ما يلي :

علبة قشطة ( استخدمت بوك )

75 غرام زبدة بحرارة الغرفة ... يعني 3 أرباع قالب الزبدة

شيرة خفيفة ( كاسة سكر ... كاسة و نص ماء ... 3 إلى أربع نقاط ليمون ... و بس يجهز و تطفي النار ضيفي بكيت فانيلا و حركيه ) طبعا يمكن ما تحتاجي كل الكمية ... حسب الكيكة ...

ملعقة صغيرة و نصف نكهة فراولة ( من عند العطار )


فواكه مجففة ( طبعا القطع الصغيرة )

ربع أوقية جوز ( طبعا بتطحنيه بطريقة ما يضل كبير .. و برضو ما تخليه صغير كتير ... يعني بحجم قطع الفواكه المجففة بيكون منيح ...


بتعجني المقادير السابقة مع بعض

و بتعملي كرات و بتدحرجيها بجوز الهند

و قدميها باردة


و ألف صحة و هنا ع قلوبكم


تحياتي


و السلام عليكم

[نرجس*]

يميممي أحب الكبة
تسلم الايادي
في أنتظار وصفة جديدة

[سقيط الزهراء]

بسم الله الرحمن الرحيم
اللهم صل على محمد وآل محمد وعجل فرجهم الشريف
تسلم الاياااااااااااادي .....
حلاوة لذيذة ...

[فضّه]

اللهم صل على محمد وال محمد وعجل فرجهم


والله يا أم حموده ما بستغرب على اهل الشام الابداع المطبخي


بس كنت افكر ان المحاورات العقائد مختنقات هناااك وما يطلعوا لباقي الاقسام ^ـــــ^



حقيقه وصفه بتشهي وشغل مرتبب تسلم دياتك خيتوا


والف عافيه على قلوبكم

كل سنه وانتوا سالمين

[آمالٌ بددتها السنونْ]

ام محمد يعطيك الف عافية وصفة مميزة
قدمته لنا شكراً جزيلاً وتحيه تعبق بالورد