[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ليلة إوداع الغريب ( لليلة العاشر )
ــــــــــــــــــــــــــــــــــــــــــــــــــ ــــــ
ليلة العاشر نحيب === ليلة إوداع الغريب
زينب الحـــرّه الغريبــــه === تسمع أحداث المُصيبه
ليلة إوداع الغريب
ـــــــــــــــــــــــــــــــــــــــــــــ
ليلـة إوداع الفواطــــــــــم == ليله مشحونه إبخطرها
زينب إتحدّث أخوهـــــا == والأخو يطلب صبرها
واﻟﮔمر ينشر ضيـــاءه == يطفي للطيبه جمرها
طولي ياليله تنـــــــادي == زينب إو تندب ﮔمرها
باﭼر إبزودك أريــــــد === زود أبو الحمله تعيد
الله ترضيه إو حبيبــــــه === تسمع أحداث المُصيبه
ليلة إوداع الغريب
ـــــ
ليلة العاشر عبــــــــاده == والسمه مفتوحه تسمع
نزلت الأملاك كلهــــا == شافت المظلوم يركع
نزلت إويه إحسين تسجد == شافــــــــت الأنوار تنبع
بالشكر سمعت نـــــداءه == سمعت الأصوات أجمع
كُلها تهتف ياحبيـــب === باﭼر إنلبّي المُجيب
نرضي زهرتنه النجيبـه === تسمع أحداث المُصيبه
ليلة إوداع الغريب
ـــــ
ليلة إوداع إو محبّــــه == بين كُل أم إو إبنها
رمله ويّه الشاب جاسم == والأبــــن يمسح حزنها
ليلى ويّه الغالي الأكبر == ينسمـــع بالخيمه ونها
زينب إبحسره تداري == واﻟﮔلب مفجوع منها
عدها أولاد إو تريــــد === ما يشاهدها العميد
ﺗﺑﭼــي لمصاب الشبيبه === تسمع أحداث المُصيبه
ليلة إوداع الغريب
ـــــ
باﭼر إنعوﻓﭻ يزينب == أخبر إحسين العقيله
صبري يختي الجاي أصعب == وإبتغـــــي لله الوسيلــــــــه
باﭼر إتشوفين راسي == عالرمح فاسق يشيله
باﭼر تسيرين عنّي == والضعـــن ﻳﻓﮔد ﭼفيله
واﻟﭼفل ﺿﻌﻧﭻ يـــــروح === غيرته إتحرك الجروح
تشكي عباس إو مغيبه === تسمع أحداث المُصيبه
ليلة إوداع الغريب
ــــ
باﭼر تشوفين جسمي == عالتُرب تسجد دماءه
باﭼر العباس يرحــــــل == بس يظل يهتف إباءه
باﭼر الأنوار تطلـــــــــع == تضوي الكون إو سماءه
باﭼر تصيرين رايـــه == والهُدى يصدح نداءه
كربله إيجيها الحجيـــج === تزدهي إبنوري البهيج
تصبح الحاله عجيبـــه === تسمع أحداث المُصيبه
ليلة إوداع الغريب
ـــــ
ليلة إدموع إو مآسي == ليلـــه والكافل ضياها
من سمع حسرتها زينب == يزهـــي أبو فاضل إجاها
لاتهمـــــــّي يالعقيلــــه == روحي الروﺣﭻ فداها
والعقيله إدموع تجري == باﭼــر إتفارﮒ مُناها
باﭼر إيغيب الكفيل === والحمل عدها يميل
واﻟﮔلب ﻳﭼوي لهيبـــــه === تسمع أحداث المُصيبه
ليلة إوداع الغريب
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مع تحيات شاعر أهل البيت / جابر النجفي
إسمعوا القصيده بصوت الرادود الحسيني المبدع كاظم البديري على الرابط التالي
http://www.wlidk.net/dldp9l47243.mp3.html

[رآحيل]

واﻟﮔمر ينشر ضيـــاءه == يطفي للطيبه جمرها
طبتم وطابت حروفكم الطاهرة
جزاكم الله خيراً أستاذنا"
تحية كبيرة لهذا العطاء

[الروح]

جزاكم الله خير الجزاء أيها القدير
وتباركت روحك التي نزفت الولاء حروفا..؛
ودي وتقديري

[جابر النجفي]

اقتباس : المشاركة الأصلية كتبت بواسطة رآحيل [ مشاهدة المشاركة ]

واﻟﮔمر ينشر ضيـــاءه == يطفي للطيبه جمرها طبتم وطابت حروفكم الطاهرة جزاكم الله خيراً أستاذنا" تحية كبيرة لهذا العطاء

ــــــــــــــــــــــــــــــــــــــــــــــــــ ـــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه راحيل
اشكركِ وعظم الله اجوركِ

[جابر النجفي]

اقتباس : المشاركة الأصلية كتبت بواسطة الروح [ مشاهدة المشاركة ]

جزاكم الله خير الجزاء أيها القدير وتباركت روحك التي نزفت الولاء حروفا..؛ ودي وتقديري

ـــــــــــــــــــــــــــــــــــــــــ
بسم الله الرحمن الرحيم
اللهم صل على محمد وآل محمد وعجل فرجهم
الاخت الطيبه الروح
اشكركِ وعظم الله اجوركِ