[خالد محمد مهدي]

((35)) (( متصوَّرت ))

**********************

أبد متصوَّرت عينك تفاركني ** يخويه والزمن بالهم يلاحكني

أدور أبين ألأيام ** على نورك وألأحلآم

تاليهه الدمع والحزن شابَكني

**------------------------**

ردت ويّــاك / أظل بحماك/ ماظنّيت أرد وحــدي

شحمله جفاك / ماأنســاك / يخويـه من يظل عندي

العمر لولاك / أنتهه بليّاك / منو أيرجعني يم جدّي

من عأأأاداك / تعنَّه وجاك / صــابك ونمرد جبدي

روحي ريت راحت بعد لاردَّت **سهام جفاك ياعباس عيني أطفَت

الخدر ياحيلي منظام ** كلبي أتحمّل آلآم

**---------------------------------**

والمعبود / نطرنه أتعود / وتفرح عينّه بشوفك

رد أردود/ عيفه الجـــود / آني أمقدّره ظروفك

يالموعود / أبعين تجـــود/ وفيت الدين بجفوفك

يعالي الزود / بالعامود / تطيـح وننطر طيوفك

أعله جرف الماي شالت ماي جفّينك ** جم صرخة طفل بالخيم تانينك

تمنعك ضربت الهام ** فوك المشرعه تنام

**----------------------------------**

يحادينـــه / يساقينه / تعـــال الدمعت أطفالك

تحامينـــه / تراعينه / الضعن بعيونه يبرالك

منو يمينه / تواسينه / حتَّـــــه أبمرَّت خيالك

ترد بينـه / يوالينـــه/ عرفنـــه الصاير بحالك

شجره الرايه يرويهه دمه لجفوف ** دلالة وفه وشموخ بأرض لطفوف

بعد لعيون متنام ** منو أيسكتهه ليتام

**------------------------------**

من أنطرنــــه / أتأملنه / وألف حســـبه تُمُر بعدك

ماظنّــــــــــه / تفاركنه / ولاظنّـــــه خلفت وعدك

رد ألنـــــــــه / يكافلنــه / مشــــــــابك للترب خدَّك

بعد عزنــــه / بهظم عشنه / ولونـه من أنهدم سدَّك

من نار الحقد لخيام حركوهه ** وضعونك سبايه اليوم أخذوهه

بحبل جتفونه ظلآّم ** سبايه الديرة الشام

**--------------------------------**

ليل أمشيه / دمعي أبجيه/ بلا دمعت عتب بالعين

الخدر تاليه / من يحميه / وآه عباس وآه يحسين

كلبي شبيه / منو يرضّيه / وعنَّه أمباعده الجفين

الكل توليه / الكل تاذيه / عن خدري أخوتي وين

يعّز عليَّه اوكف بين شمّاتي **وعيوني دمعهه يوصف آهاتي

دمع العين هيّام ** تخط بالدمه الاقلام

*************************************


بسم الله الرحمن الرحيم
لايعلن الحبر الممات
لايعلن الصمت القلم
مادامت هناك روح وضمير حي
ولا تموت يد تُرفع الى الله توسلا
وتَُرد خائبه
الخادم أن شاء الله
(( التوقيع))
أحنه من فطنّه أعرفنه لحسين
وغّذانه الرحم من فطرة الروح
بشراييني نمت لحروف نبضات
تنبض بالورد وعطورهه تفوح
مايمنعني عنَّه وكلبـــــــي ويَّاه
من يوم الطفوف بصفَّه مذبوح