سمعي يارمله الخبر ... سمعي يا محرومه
جاسم اعلوج ال اميه
كّطعوا بلحومه
وا شهيداً وا شهيد .. وا شهيداً وا شهيد
1
من سمع لحسين ناده جار ويـــاي الزمن
يا دهر اف من خليل اعليه صبيت المحن
لن برز من المخيم بدر و ادموعه جرن
هذا محبوب الزجيه (كلأسير المرتهن)
بين ناس ابلايه غيره(لاسقوا صوب المزن)
لا تنكروني تراني (انني ابن الحسن)
وعد ابويه الحسن صار
اليوم حل بموعده
خلني يا مظلوم عنك ادفع اسيوف الرده
وا شهيداً وا شهيد .. وا شهيداً وا شهيد
2
نزل للميدان راجـل جنه حيدر من نزل
بطل يحصد بالجماجم يا نعم هذا البطل
فحل من الحسن ماخذ كل كرامات الفحل
ما تهمه اجيوش اميه لمن شد شسع النعل
و شد عليه ابن نفيل
وطبر راسه بالغدر
صاح ادركني يعمي وراح يم صوب البدر
وا شهيداً وا شهيد .. وا شهيداً وا شهيد
3
هذا عريس الهواشم هذا يا رمله الحبيب
شاهدي حاله يرمله شاهدي المنضر رهيب
تولته انصول العواسل واصبح بدمه خضيب
طفوا اشموعه الزفافه بالدمه مامش نصيب
حنته اسيوف المنايه
حنته ابدم النحر
وا شهيداً وا شهيد .. وا شهيداً وا شهيد
4
يصيح يا يمه ابـِشري بالعــواسل زفتي
وبصهيل الصافنات اسمع هلاهل فرحتي
من دماي الهاشميه عجني يمه حنتي
في سبيل الله تحله بدرب عمي موتتي
موته يمه وي حسين
موته يا محلاهه
صولتي بسفِر الخلود احسين هلخلاهه
وا شهيداً وا شهيد .. وا شهيداً وا شهيد
5
كربله ساحة بقاء بكــــل جوانبه خلود
لو يكَطعونه ونموت ونرد هم نرجع جنود
دمنه يرخص للعقيده وعن مبادئنه نذود
احنه شبان الكفاح بدمنه يتجله الصمود
احنه شبان الرساله
الاحمديه الخالده
احنه انصار العقيده المهدويه الراشده
مثل النه القاسم اصبح هلشعار انردده .. واشهيداً
كلأسير المرتهن .. للقاسم ابن الحسن عليه السلام
العرض العادي
