[اياد الفرح]

هنو الوديعة الزهرة الشفيعة

العرش هليله احتفـــل ميلاد طه

وبشرى جبرائيل ينشر صداها

والأمة غنت بالفرح رسول أجاها

انهــــني كــلنه اليــــوم أم أباها

يا اغله شيعه هنو الوديعة

...........

بحب الرسول اليوم نشعل شمعنه

وبمولده الإســلام صار اله معنه

بالسمة صرنه نجوم بالحب لمعنه

وليسترق شيطــــان نرسله لعنه

أنحبه ونطيعه هنو الوديعة

............

لا لا تظن أنبيع حبه بدمانه

ادخلنه للإسلام نوره الهدانه

افتخــر لن مجنون أبحبه انه

والزهرة هم هنا يحضرويانه

هلخبر ذيعه هنو الوديعة

..........

يلي تحبه تعيش بالدنيا مرتاح

وبمولده تهني وتعم الأفـــراح

افرح وخذ هليوم للجنة مفتاح

بيه الورد منثور والعطر فواح

ورد بربيعه هنو الوديعة

.......

أحييــها بالأفراح هــاي الليــالي

أوحب أبو الزهراء بالكلب غالي

ملهوف أضل مشتاك ساكن خيالي

صلوا عليه يا ناس وبصوت عالي

ليله فضيعه هنو الوديعة

........

للهادي نور العين ابعث سلامي

والزهرة والسبطين حيدر إمامي

سماهم المعبود بأجمل أســامي

وللخمسة الأطهار حبي وغرامي

لا ما أبيعه هنو الوديعة

........

أعذب شعر يا ناس نكتب ألليله

طه النبي المختار ما كو مثيله

يالمسلم المهموم همـك يزيله

أبصــادق النيات لـــمن تجيله

هيه الشفيعة بنته الوديعة

الشاعر

إياد الفرح

[نسايم]

اللهم صل على محمد وآل محمد وعجل فرجهم وفرجنا بهم

سلمت أخي الفاضل وسلم حرفك


بارك الله فيك


ودمت بولاء الأطهار ...