ياهلال المحرم

المتقي · بتاريخ : 08-12-2010 الساعة : 03:44 PM

يهلال ما تانيتك---- يهلال غايب ريتك

شهر المحرم حان --- واشتدت الأحزان

يهلال غايب ريتك

--------------------------

ضيك بده ابخيبت أمل --- وإسمع لساني اشكال

ريت انخسف وجه السمه -- ولا بينت يهلال

اشعندك بعد من فاجعه --- وتترجه يا أمال

ومن الأهل ما ظل بعد --- بس عايله واطفال

لوعات عايشناها --- لوعات ما ننساها

يهلال غايب ريتك

يهلال اخبرك من شفت --- وجهك طلع ناديت

ريتك غبت عن السمه --- واتمنه لا هليت

ذبٌحت اهلنه ابكربله --- عدنه شبعد خليت

نورك طلع واتذكرت --- بمصيبة أهل البيت

ناديت روحي اتنشدك --- ناديت كول اشعندك

يا من شعاعك بان --- واشتدت الأحزان

يهلال غايب ريتك

يهلال اخبرك من تشع --- أذكر ذبح ولياي

واعثر واكوم من الحزن--- ما عندي فكر وراي

واردود انوحن وانتحب --- واذكر هضن دنياي

واذكر كفيلي المنكطع --- نحره على جاري الماي

عباس رحت وشفته --- عباس وذروا جثته

اذكر كمر عدنان --- واشتدت الأحزان

يهلال يايب ريتك

بهالحاله يهلال الحزن --- تتوارد الأيام

نوح ومراره ونايبه --- ضيم ودمع والام

كلما اشوفك انتحب --- واذكر عرس جسام

من دمه صارت حنته --- وذاك العرس مادام

عريس سفكوا دمه --- عريس وذروا جسمه

وظل جسمه عالتربان -- واشتدت الأحزان

يهلال غايب ريتك

بعيوني يهلال الحزن --- يجري الدمع مدرار

من شفت الأكبر عالترب -- ناديته بالاعبار

يا اشبه الوادم جنت ---بالمصطفه المختار

يا وسفه جسمك منصرع -- واتوذره الأشفار

مذبوح طاح الأكبر ---- مذبوح جسمه اتوذر

واتوسد الكثبان ---- واشتدت الأحزان

يهلال غايب ريتك

هاللوعه يهلال الكدر --- منها الكلب مهضوم

كلما اشوفك من تهل --- اتذكر المظلوم

يوم الوكع من المهر --- واتحيطه خيل الكوم

اصعب وامر وادهه واشد --- وافجع واجل كل يوم

من طاح جسمه ابن امي --- من طاح زيد همي

نحره انذبح عطشان --- واشتدت الأحزان

يهلال غايب ريتك

* * * *

اللهم جازينا الثواب بحق محمد وال بيته الأطهار