[رحيم الحسناوي]

علي حيدر بالحرب دك ثاية ... علي حيدر بالشدايد راية
حبّه نار وجنه بينه .. وعلمه من الله ونبينه
نبكَه لاسمك يالبطل وفّاية
ـــــــــــــ

علي جنّه بلا عدد بيبانهه .. علي لاشكال الفخر عنوانهه
علي يا تاج على انسهه وجانهه .. علي لصروح العلم ديوانهه
وشمعة ضوّت للمدينة .. وعلمه من الله ونبينه

علي فوكَ من المناقب عالي .. علي الاول عالبشر والتالي
علي مولانا الاشم والوالي .. علي اغلى من الكَلب والغالي
نوره لاهل الدنيه زينه .. وعلمه من الله ونبينه

على شمس الما تميل انوارهه .. علي اَيه وعد نبينه اسرارهه
علي صل دكَ الكفر واخطارهه .. علي روحي وبالكَلب جمارهه
علي سفّان السفينه .. وعلمه من الله ونبينه

علي بالدنيه الوصي وحادينه .. علي وبيوم الحشر حامينه
علي من باع الوطيه لدينه .. علي خلّه الاخره بنص عينه
بحبه ما يخلص حجينه .. وعلمه من الله ونبينه

علي يا حامي الرعية وجاره .. علي بس عند الخلقنه اسراره
علي شعّت عالزمن انواره .. علي محبوب العلي ومختاره
علي مولانا وولينه .. وعلمه من الله ونبينه
نبكَه لاسمك يالبطل وفّاية
رحيم الحسيني الحسناوي

[رياض الرسل]

السلام عليكم

رحيم الحسناوي


موفق على هذه الكلمات الرائعه
دمت لنا
والله لايحرمنا منك ابد

رياض الرسل