[ابو ياسر الكعبي]

یطــه تعلـم ابضــلعـــــي وداري

أَضُمَّـن کسـره عـن حـیدر وداري

صِحابک هشِّموا صدري وداري

یبـویـه ابنـار حرگوها علیَّه

الکعبي

[ابو ياسر الكعبي]

مَخالیب الغصص بالگلب لاچن

ولیالیِّ عله الاحزان لاچَن

ما أَنحَب الکسر الضلع لاچَن

أَنوح إعْليك یاسید البریَّه

الکعبي

[الروح]

كلبي مافضه الغيرك وفضلاك
همومه ولانسه طيبك وفضلاك
اميزك بين الف صاحب وفضلاك
عليهم جي صنت معنى الخويه

[الروح]

عتابك دخن بروحي .... ونيران
يل كلبك يشع رحمة .... ونيران
تمنيت العراق انته .... وانه ايران
وحدودك دوم فاتحن عليه

منقول مع تعديل بسيط عليه

[سفينة البحار]

نورك نور الاكوان من لاح
ونجم فضلك بعيد وابد منلاح
ركبنه احنه بسفينة حسين ملاح
ما نغرك وحك جده وابية

تقبلو مني كل الود

[الروح]

عجز جدمي يصاحب كَوم وجلاي
ومظن يبرن جروح احشاي وجلاي
مر الماي احس بعداك وجلاي
وصرت للناس مثله لكل بلية

[الروح]

عساني لاصبّح صبحي ولامساي
حزين وما فرح يومي ولامساي
صرت ماوجد بشوفي ولمساي
تساوه النور والظلمه عليه

[ابو ياسر الكعبي]

اقتباس : المشاركة الأصلية كتبت بواسطة الروح [ مشاهدة المشاركة ]

كلبي مافضه الغيرك وفضلاك

اقتباس : المشاركة الأصلية كتبت بواسطة الروح [ مشاهدة المشاركة ]

همومه ولانسه طيبك وفضلاك اميزك بين الف صاحب وفضلاك عليهم جي صنت معنى الخويه

العتب ماهو سهل ينفض وفضلاه

ولا خلگي خلگ شاعر وفضلاه

اخوي الچنت أقَـدرنّه وفضلاه

سچـاچينه غـرسهن صوج بيه!

[ابو ياسر الكعبي]

اقتباس : المشاركة الأصلية كتبت بواسطة الروح [ مشاهدة المشاركة ]

عتابك دخن بروحي .... ونيران يل كلبك يشع رحمة .... ونيران تمنيت العراق انته .... وانه ايران وحدودك دوم فاتحن عليه منقول مع تعديل بسيط عليه

تعديل صائب
وبيت جميل

أوجَّـن والـتِهـب جـمـره ونيران

واصيـرن شمعـه للخُــوّه ونيران

العراق انته اشعلو حرفك وانه ايران

بعدنـي أجْـهَل حروفي الابجديه ؟

الكعبي

[الروح]

رائعة ابياتك أيها القدير وفي الصميم