[الروح]

بتالي اليل صب دمعي ولك در
وبعد ماعيش من دونك ولااكدر
بنص كَلبي الك منزل ولكدار
تبيع وتشتري مرخوص بية

[ابو ياسر الكعبي]

درت چرخ الفلك بيدي ولي دار
ابغرب كل يوم الي موطن ولي دار
يدر للناس بالفرحه والي در
بنياحه وحزن وبْوَنه شجيّه

الكعبي

[ابو ياسر الكعبي]

إلـي أنّي اليـرافـگـني كأنّاك

وأناي بهودج جروحي كأنّاك

وصل ياصاح مرسولك كأنّاك

ابكل موقف تذب لومك عليّه

الكعبي

[الروح]

بسناسل حيل دهري سلسلاني
ولا من ربعي واحد سلسلاني
يخلي فراك وجهك سلسلاني
الفضل للثوب ضل ساتر عليه

[ابو ياسر الكعبي]

دهرکم بالسلاسل سلسل الکم

ومن سل المواجع سل سل الکم

ولذلك تمــاده وسلسل الكم

بأول قـائمة جـور وأذيّه

الكعبي

[ابوتكتم الخير]

يكلبي الشوك للخلان وذراك
وهم جانو ملاذك دوم وذراك
شتالك للوشو ما نفع وذراك
برض صبخه وبذرته على الوطيه

منقول

[ابو ياسر الكعبي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

يكلبي الشوك للخلان وذراك وهم جانو ملاذك دوم وذراك شتالك للوشو ما نفع وذراك برض صبخه وبذرته على الوطيه منقول

شتـالي ما نفـع ويّـاك وذراي


إنهدم كوسر ملاذي بيك وذراي


وذر للشوگ ليك اتطير وذراي


وصفت كل وذره من عندي ابنويّه

الكعبي

[ابو ياسر الكعبي]

بعدنه ابّحر ودكم مانسينه
صفينه وعن دربكم مانسينه
حبايب وبحچيكم مانسينه

وإلكم هالمسه نبعث تحيّه

الكعبي

[ابوتكتم الخير]

اقتباس : المشاركة الأصلية كتبت بواسطة ابو ياسر الكعبي [ مشاهدة المشاركة ]

شتـالي ما نفـع ويّـاك وذراي إنهدم كوسر ملاذي بيك وذراي وذر للشوگ ليك اتطير وذراي وصفت كل وذره من عندي ابنويّه الكعبي

بنويه إوصفت كل ذره وذره
دهاك الكلب يامدلول وذره
إحرك بنار مرهجرك وذره
بريح إشته وليالي هندسيه
تحياتي للكعبي

[ابو ياسر الكعبي]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

بنويه إوصفت كل ذره وذره دهاك الكلب يامدلول وذره إحرك بنار مرهجرك وذره بريح إشته وليالي هندسيه تحياتي للكعبي

لك ودي
ابا تكتم

ذرانه الشوك حين الّي ذره الكم
كل ذرّاتنه صارت ذره الكم
تصير أرواحنه فيكم ،ذره الكم
ونصير الكم جسر حد المنيه

الكعبي