[في الروحْ تَسكنْ]

صباح الوردات والنجمات .. في صباح الأمس .. ما أدري شو إلي صار لي .. ورحت المطبخ ... وشمرت عن ساعدي .. وقفلت الباب .. والشغالة تدق الباب خايفة على مستقبلها المطبخي ... وتصرخ تقول ... نووووو مدام وت يو آر ووونت تو دوووو ... رديت عليها .. خليني آي وونت تو داي ههههههه

المهم .. يقولون هذي الأكلة اللذيذة وإلي أحبها موت .. إسمها السنافر .. يعني سنفروا بحياتكم ..

طبعا شهودة أي شئ ينطبخ في الفرن تخاف منه .. بس إي شئ يحتاج ثلاجة .. ومافي طبخ وفرن .. تموت عليه وتحبه ..

الطريقة سهلة وايد .. والمكونات .. أسهل ..

بسكوت .. حليب ... دريم ويب .. كريم كرميلا .. والسكر و القشطة وبس

الطريقة الصعبة ههههههه ..
جبت الدريم ويب والكريم كرميلا من الكيس طبعا في الطبق مع السكر والقشطة وأخلطهم مع بعض ..
وأجهز الطبق ..بالبسكوت .. حبة حبة .. طبعاً البسكوت .. لازم يتبلل بالحليب شوي ..
المهم في النهاية .. بعد طبقتين من البسكوت .. تحطين الخلطة الجنان .. وآخر شئ تنثرين بسكويت مكسررر ( مفتت ) على قولة الروح .. وتوزعين عسل الكراميل .. عليه .. وتسوين خريطة ..

وبس .. يمكن هالأكلة قديمة .. بس تقبلوها مني .. ترى مو كل يوم أدش المطبخ

أي إستفسار .. هذا أيميلي شهوودة هوت ميل مطبخ أنا شيعي دوت كوم

[النيزك]

ماشاء الله ماشاء الله

طبخة شهية



عليكم بالعافية

[زهرةالاقحوان]

عزيزتي في الروح تسكن ممكن تخليني اكل شوية *_*
وعاشت ايدج

[فضّه]

ياااااااااااااااااسلام يمنت كريم ياااااااارب يعني من يومج وانت مقاتله شرسه هههههه

صراحه هذا الطبق المفضل وقت الحر يبرد عالجبد ولذيذ وخفيف عالمعده لا دسومات ولا سكر زايد


عااااااااااااشت ايدج وان شاء الله نستمتع بهالجولات في المره القادمه الصياااام على الطريق الله يوفقنا واياكم على ادائه



مشكوره حبيبتي وفي انتظار كل ما تبدعه اناملك الرقيقه

[الروح الفاطمية]

ماشاء الله ..... ماهره بالطبخ >>> بخطبش لـ ولدي ^_*
حلوه شكلها

تسلم الايادي

[في الروحْ تَسكنْ]

الذين يشاهدون محتوى الموضوع الآن : 6 ( الأعضاء 1 والزوار 5)

كل هذولا يتعلمون الطبخ من أول وجديد

[في الروحْ تَسكنْ]

هلا النيزك ... أدري أنها لذيذة .. وشهية .. بس خلصت بلعتها العائلة الكريمة .. مو مصدقين شهودة مفجرة المطبخ

[في الروحْ تَسكنْ]

زهرة ياقلبي ... أصلا كله لج .. بس مرة ثانية .. الحرب الثانية

[في الروحْ تَسكنْ]

هلا بالغلا كله .. فضة ياقلبي .. ودي أرسل لج صحن .. علشان تقولين .. شهودة لاتوقف ..

[في الروحْ تَسكنْ]

الروح ياااقلبي أنتي .. أخطبيني وأوعدج ما أطبخ له شئ غير موووية