[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حيــــــدر بلســــــم روحــــــي
ــــــــــــــــــــــــــــــــــــــــــــــــــ
سيف الشر صوّب والينه === بالسجــده إو غـاب الكــرار
ـــــ
حيدر حُبّي إو بلسم روحي == من أذكــــُر مولاي إتطيب
حيدر سر طيبتها إجروحي == واليبغــــــض حيدرنه إيخيب
حيدر ودّع وآني إبنوحـــي == مثل اﻟﺗﻓﮔــد إبن إيغيب
فدوه الحيدر فدوه العينه == روحـــــــي إو أرواح الأحرار
سيف الشر صوّب والينه === بالسجــده إو غـاب الكــرار
ــــــ
حيدر نعمة الله القـادر == للناس إنطاها الرحمن
حيدر زوره إو لتظل حاير == حيـــــدر ملجـــأ للحيران
حيدر حبّه إبدمّي الداير == يسري إبنضبات الشريان
هاليوم الشر واضــــح بينـــه == صاب الوالي إو حامي الجار
سيف الشر صوّب والينـه === بالسجــده إو غـاب الكــرار
ـــــ
حيدر محّد يوصل حدّه == مــــن زوده إيغار الأقدام
حيدر عِلِم الهادي العنده == صــــار المنبـــــر للأسلام
حيدر لأحمد سدّه إو سندَه == ما يتعـب سيف الضرغام
واليوم الشكوى إلهادينه == طـــه المرسـول المختار
سيف الشر صوّب والينه === بالسجـــده إو غـاب الكــرار
ــــ
حيدر محبوبي إو عنواني == بالمحـــشر ﻳﺳﮔيني الماي
حيدر معصوم إو ربّاني == حيــــدر نزلت بيه الآي
حيدر هُوّ اليرفع شانـي == لو زرته إو هلّت عيناي
حيدر راية حق تهدينـه == تحمينه إمن الشر والنار
سيف الشر صوّب والينه === بالسجــــده إو غـاب الكــرار
ـــــ
حيدر بحر الجود اليحوي == مرجان إو طيـــــب إو ياقوت
حيدر نور الباري اليضوي == حيـــدر صوت الحق مَيْموت
حيدر بيته العالي اليأوي == أيتــــام الدنيه إو بي قوت
وإشلون إولاده إمودعينه == هاليوم إنطفّي الأنوار
سيف الشر صوّب والينه === بالسجــــده إو غـاب الكــرار
ـــــ
حيدر ﻁﻟﮔﻬـــا الدنيانه == مرّات إو ماراد الجاه
حيدر يِهْوَه الحق مولانـــــــه == تجري إبحب وإتصب عيناه
حيدر دينه الرافع شانه == بس للحق يرفع يمناه
جينه إنعزّي الهادي جينه == هاليـــــــوم إيغيب المغوار
سيف الشر صوّب والينـــه === بالسجــده إو غـاب الكــرار
ــــــــــــــــــــــــــــــــــــــــــــــــــ ـــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldpsl26783.mp3.html