شوكت تشبح للبقيع أنظارك
وتبنـي أكـبور وتسـل بتـارك
**************
شوكت يبن الحسن ترف أبرايتك
وتبـنـي كـل كـبر الـتهـدم يمـنتـك
من الصبر مـولاي مـلت شيعـتـك
شوكت تكشف للجميع أسرارك
*****************
يابو صالح خلص من عدنه العمر
والصبر مـولاي مـل منـه الصـبـر
بكل وكت ونشوف مهدمينه الكـبر
والجتل مسنون بس لـنصـارك
****************
بالبقيع أشـوكـت رايتـك تزم
وتبني كل كبر التهدم يالشهـم
تعلي كل أكبورهم بعد الهـدم
وتطرد الأشرار من يم دارك
***********
شوكت راياتك ترف يبن الحسن
بالبـقـيع وتبنـي أكـبور أنـمـحــن
سـاجـد وباقـر وصـادق والحـسن
وكبر حمزه هم يشمله أعمارك
***************
شوكت راياتك ترف فوك الجميع
وتبنـي كـل كـبر الـتهـدم بالـبقـيـع
وتحط شباج أعله كل كبر وشفيـع
وصحن تبني أتطوف بيه زوراك
****************
شوكت تاخذ ثارك من أهل الرده
وتعتني وتكصد لأرض الغرقـده
وكبـر كـل أيمـام تبنـي ومـرقـده
وتشفي كلبك ونته ماخذ ثارك
******************
تبني كبر المجتبى وصحنه وتطوف
وتكـصـد السـجاد وبعـينـك تشــوف
كبره طابوكه وعليه أسمه وحروف
وكبر للبـاقـر تكتلـه أعـبـارك
****************
تبني كبر الصادق بدمع ودمه
وكـبر أم عباس تشمـه وتلثمه
تعلي كبر أم البنيـن المـلهمـه
وتصرخ الثار وتشيع أخبارك
ــــــــــــــــــــــــــــــــــــــــــــــــــ ــــــ
ابوتكتم الخير
قاسم طاهر القاسمي
الأحد 7 / شوال / 1433
شوكت تشبح للبقيع أنظارك .... (في ذكرى فاجعة هدم قبور البقيع )
العرض العادي
