كوه عايش .. حكمت البيداري

حكمت البيداري · بتاريخ : 26-11-2012 الساعة : 02:59 PM

كوه عايش..كوه اتنفس هوا
ابوجهي الشمس وعيوني ماشافة ضوا
احس نفسي ما اللي بالدنيا لزوم
بس للقهر..بس للحزن.. بس للهموم
ايه ..ايه ياروحي هذا قدرنا ونبقى نتألم سوا..

وياج يادنيا الجنيته بس عذاب
تعبي ضيعته ولكيته بجف تراب
الفرح مامرني مره
بالجذب وهم وسراب
والالم بظلوعي جمره
ونار وصلت للثياب
والطب سكاني انواع السموم
بيها اتأمل اتحرك واكوم
عذبت وييايه جسمي وعلتي ما الها دوا..

كوه عايش..كوه اتنفس هوا..

انهدم احلام عمري
وظلت خراب
خلصت اسنين صبري
بلا ثواب
والحد مفتوح بابه
لزغار وشيب وشباب
والجسد راد لترابه
وهلبت ليوم الحساب
يا اجل عجل القدر مقسوم
فوك جسمي كافي ..كافي تحوم
بلا امل جانت حياتي وثمره ماالها نوا..

كوه عايش كوه اتنفس هوا
..

حكمت البيداري
بغداد 1995