شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
ما ترمش عيون اليصد إلشكله
جم قل أعوذ اليوم تقره رمله
تنظر ابنها بلا وعي وتندهله
أم التودع وليدها شتكله
يا بعد امك اخذ عمري ولا عمرك يا غالي
حلم عمري تجازيني بعد سهر الليالي
خوفي عليك من الحسد يوليدي محروس بعلي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
سل صارمه زعلان واتعناهم
طلبوا لقاءه واشتهى ملكاهم
اني انا شبل الحسن ناداهم
جدي علي وصولة علي راواهم
شبل هاشم برز ليهم هلا بسيف الهواشم
سؤال الكل صفا واحد علي لو هذا جاسم
جاسم زعل وين المفر يارض الطفوف اتزلزلي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
نادى يضل عطر الحسن بأنفاسي
اليوم اذكر الما درى والناسي
آني الحسيني الحيدري العباسي
غيره ورجولة من الجدام ال راسي
وحق حيدر فلا اقبل اذل مرة بحياتي
شفت موتي لأجل ديني ولادة في مماتي
قل لا فتى الا علي ما غير ابو الحملة ولي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
ما اتيه ودرب الشرف اندله
والله الف موته ولا مذلة
منهو اليجي وكبالي سيفه يسله
يوصلني وآنه بياعلي اوصله
المهم عندي يضل عمي عدل وآني فدائي
وصيت الاب لأبو اليمه اضحيله بدمائي
حدير يضل طول الدهر هو الحبيب الاولي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
ما همته جيوش العدو والكثرة
واليكرب لجسامه سيفه يشطره
ياولي من هذا الزمان وغدره
رمله الحزينة بالخيم منتظره
الف وسفه انشطر راسه وحضر عمه يودعه
كعد يمه ابو اليمه خلط دمه وي دمعه
يبقى مصابك للابد يا ابن الحسن ما ينجلي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
يا ام الولد راح العزيز لحتفه
يا رمله من دم راسه حنوا جفه
خلي الشموع من المدامع تطفه
يا ليتني مو حاضر بهالزفة
ابو الاكبر حمل جاسم ذبيح لخيمة امه
نده زينب اجت زينب هلا بطولك يا عمة
وام الشباب بلا عقل جيبو لي محبوبي إلي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
شبكت ابنها ونادته ها يا ابني
ها يالولد جنك تريد تذبني
اكعد يا جسام يمه لا اتعذبني
ميت يا غالي لو عدل جاوبني
بعد ما ضل امل عندي ولا ترجع إلي
صدك يا ابني تودعني تموت ابين ايديه
يالغمضت عيونك بعد منهو اليرجعني لهلي
طلع شباب من الخيم كومي يا رمله هلهلي
شفت بالطف قمر يضوي سحر عقلي بجماله
لبس درعه طفت شمعه حلو زعله ودلاله
طلع شباب من الخيم كومي يا رمله هلهلي
شفت بالطف-السيد عبد الخلق المحنى-1434هـ
العرض العادي
