[ابو ياسر الكعبي]

أرسل لي صديقي هذا البيت

يَمَـن حرفـك إبَّحر الشِعر ذبنه
ومثـل قـطعـة ثلـج وبنـار ذبنه
يطيرالشوك بأرض إيران ذبنه
نِـدوّرعله سَـيد الأبوذيــه

"
كان هذا قولُه فبعثتُ إليه

يطير الشوك ريِّض ذِبنه ليهُم
ومثل ماهُمَّـه ذابوا ذبنه ليهُم
جُـرفهُـم غـرّكـانه ذَبنه ليهُم
ننازِع والوصـل دونـه المنيَّـه

"

في كل مساءٍ سأضعُ شيئاً من الذكرى للذِكرى.,

ولأن السِجال مازال قائم

ساترك حَدَقةَ عيني تُحَييّ الوافدين

[ابو ياسر الكعبي]

بعث لي بهذا البيت :

الحزن والآه والهَم من هدانه
إشْما طال الألم بيّه من هدانه
درت وجهك عليّه من هدانه
وأنه بس فركتك تصعب عليّه

فبعثتُ إليه :

هدني الهظم والهم من هد إنته
وتهيد جروح كلبي من هد إنته
نهد النـاس كلهـا من هد انته
لأن كلبك وفي وذاتـك نقيَّه

"
لي عودة
فان السجال مازال قائم

[ابو ياسر الكعبي]

كُنتُ قد وعدتهُ بقصيدةٍ
لم أتأخّر عليه لأن الموعد لم يحن بعد,
لكنهُ ارسل لي هذا اليت :

إجه الموعد ومنّك ما طل إنته
وأشو طالت أيامك ماطل انته
أريد اسمع قصيده ماطل انته
اوعَدِتني وكِلت تتدلّل عليّه
"
ارسلت له:

انفرط عقد المحاسن من دلالك

وتهت بجروف نبضك من دلالك

تـدلّـل مـــــابـدالك من دلالك

كبلك محّد اتدلـل عـليه

فأرسل لي:

راح أنطر سَمِعْها يوم لحّد
ولتظن آنه أطأطأ يوم لحّد
بس لجلك ودادي يوم لحّد
يجري ومايكف حد المنيّه

فأرسلت له:
"
مو كولش مَـرِن طبعي ولاحاد
وكلبي امن الشَرِع مازل ولاحاد
نعـم أذعِـن إلك طـبعــاً ولاحاد
التريده يصير وتدلّل عليّه

ومازال السجال قائم

[ابو ياسر الكعبي]

بعد أن استلم صديقي قصيدتهُ أرسل قائلا

"

حي شعرك عبق نرجس وصلنه


ومـنـك مـنكطـع أبــداً وصلنه


اذا مرسال من عندك وصلنه


تهب ريح الصبا اتسلم عليه

"

ارسلت اليه:

انحتتلك تحت ضـلعـي بيت من بيت


وصفه روض الحشا البجلاي منبت


الكلب بتّين بيت استاف من بيت


الكل منهم يسولف بيك اليه


"


سأكون في الليلة القادمه هنا


سأسافر بعدغد يوماً او بعض يوم ولكن السجال مازال قائم

تحياتي ومحبّتي لكلِّ مَن مرّ هنا

[عبدالله خلف العتابي]

جثير اسباب عن الشور _منعين
اخبرك بالسقيفه بعد_منعين
تعثر ياسفيه الراي_منعين
تبجي والناس تهتف حيدريه
______بقلمي_____
خادم اهل البيت(ع)
العتابي
لك فائق الاحترام ابو ياسر الكعبي
ايها الرائع ادبا واخلاقا وشعرا
طبت ودامت ايامك بكل خير
مع خالص الود

[ابو ياسر الكعبي]

لك كل الشكر والامتنان

اخي الكريم عبد الله العتابي

دعواتي لك بالموفقيّة والسداد

وشكر لأبوذيتك الرائعة

[ابو ظاهر البركي !]

حلو يلكعبي خلك سايليته
وتره بكلبي سجلكم سايليته
يسالك هو وانت سايليته
جوابك وي جوابه هوه الريه



تقبل مروري ايها الكعبي

تلميذكم
ابو ظاهر البركي

[ابو ياسر الكعبي]

هجرني وعن وداده سايل آني
ولامره إعله حالي سايلاني
مو دمعي إعله خدّي , سايل آني
انطفي وأشتعل وحدي بكل مسيّه

العزيز الرائع

ابا ظاهر البركي

تراتيلُ شُكرٍ لأنّك هنا

[ابو ياسر الكعبي]

مِشه , الجان إبوداده بدّلاني
خسرني ! ومدري بيمن بدّلاني
ولوني الجان يزهي بدّلاني
انكلب لون الوفه وانعكس بيّه
"
ايها البُركي

شكراً لأنك جعلتني اكتُب ماكتبت .

[ابو ياسر الكعبي]

مدائنٌ من الشكر لكلّ من وضع مداخلة فأزان السجال جمالا

"

اعود لصديقي الذي غبتُ عنه ليومين

فأرسل يقول :

انشدك ليش ودّك كصر وصله

اخاف الغيري يذعن يمد وصله

هاك اخذ الكلب مكتوب وصله

ودخيلك لاترد مكتوبي اليه

***

فأرسلتُ له:

جفن ودّي الودادك منسه كتَّه

اوّصالك كطع حبلك من سكتّه

سكت صوت المودّه مِن سكتّه

سكت حتى العتاب ولاذ بيّه

للسجال تتمة .......

الى ان أعود أترككم برعاية الله وحفظه

تحياتي ومحبّتي لكّل مَن مرّ من هنا ....