[ابو ياسر الكعبي]

كضيت العمـر بجروحي بسف راي
وباصرني زمـان الهـم بسف راي
عـليك إتوكّـلت يــارب بسفراي
ورَحِمْتـك واسعه الكل البريَّـــــه

[ابو ظاهر البركي !]

الغالي ابو ياسر الكعبي


بغيابك حيلي يمدلل بسف راك
غانم ترجع مهنه بسفراك
يريت انه السفر بيدي بسفراك
للجنه ودعائك دوم اليه

[ابو ياسر الكعبي]

وجدتُ هذه الجملة على الاوف لاين
تعيس جدا جدا يعلللللك ؟
"
الباري امن الشِعِر جذوه يعل لاك
ويضل لشوكت كاس الهم يعل لاك
تعيس ابكل مشاوريك يعل لك
لأن صاير ولاتسأل عليّه

[ابو ياسر الكعبي]

العزيز أبا ظاهر البركي

أنرت الصفحات بوقوفك عليها
"
عودة لإتمام السجال

"
يقول صديقي:
تظن عنك يغالي منشد آني
وَحِي شِعرك وصوتك من شداني
إسمك سكن كلبي منشد آني
أردد بيه كل صُبح ومسيّه

"
فقلتُ له :

وحق الله انت وحدك من شديتك
وعن لهفة دليلي منشديتك
قصيدة شوك تنزف من شديتك
إكتَبِتْها واختنك كل حرف بيّه

وللسجال تتمة .........

[ابو ياسر الكعبي]

يوما ما أرسل بهذا البيت :
أنه الماضيَّع أحبابه وناسه
ولافد يوم هاجرهم وناسه
أدريك الهوه وفرحي وناسه
وأبد ماحن مثل كلبك عليّه

فبعثتُ اليه :

ليالي اجفاك لتظن ونها ناسي
أريد أهجر صُحُبتي ونهي ناسي
تناشدني إعله ناسي ونها ناسي
بعدني ماطحت داسوا عليّه

"
ومازال السجال قائم

[ابو ياسر الكعبي]

يقولُ صديقي القديم

"

عله الابداع دوم اسال وناشد

وياهو الي مثل سحرك وناشد

يمن شعرك يحل كلبي وناشد

دشد كلبي وبعد لاتكصي بيه

"

وأقول أنا

اشكثر نبضي نطرلك وارتجالك

ونشر عالحزن جنحه وارتجالك

يلامس جرحي شعرك وارتجالك

يطوف اعليه سحرك بالبوذيه

لم يتبقى من السجال ألاّ القليل ؟

[ابو ياسر الكعبي]

لم ينتهي السجال بعد.....

[ابو ياسر الكعبي]

الغم والهم سكنته ماسكنّي
طحت وجروح صبري ماسكنّي
الشعر باعذب بحورم ماسكنّي
لجن سكَّنّي تصبيرك عليه
هل من وجع ؟

[*أحمد الكعبي*]

أنحنائي لــــــــــسيد الوجع

يالمنهج مسيرك منهج آباك
صبح نهجي أعله نهجك منهجه باك
علي من غير كوكب منهو جاباك
خذتني لعالَمك واگطعت بيه .

[ابو ياسر الكعبي]

الشاعر العزيز أبا الحسن
أنرت السجال يا رعاك ربي
ستكون لي عودة لأجاري بيتك الرائع
كن بألف خير