[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم


ليلــــــة وداع الشافعـــــه ( حـــــــدي )
ــــــــــــــــــــــــــــــــــــــــــــــــــ ـــــــــــــــــــ
ليلة مآسي إو فاجعه === ليلة وداع الشافعـــــه
ــــــــــــــــــــــــــــــــــــــــــــــــــ ــــــــــــــــ
أم الحسن بالمُغتســـــل == والمُرتضه خير العمل
غسَلها يتمَنه الأجـــــل == يجري الدموع اللاسعه
ــــــــ
يجري الدموع المُرتضه == عمــر الوديعه إنگضـــه
گلبه إشتعل بيه اللظه == ضاگت عليـه الواسعه
ـــــ
ضاگت عليه كل دنيته == فارگ حبيبــــة غربته
صدره إكتوى من عبرته == وإدموعــــه من دم نابعه
ــ
وإدموعه من دم حيـــدره == گلبه مشه إوياها إو سَرَه
روحه إبجسدها إمْيَسّرَه == يلهــــــب أنين السامعه
ـــــــ
يلهب أنين أم الحسن == گلبه إنفطر حيدرأضَن
من غسّل إو شاف البدن == حَس بالضلع يشكي دَعَه
ـــــــــ
حَس بالضلع يشكي إبحزن == حــگ الأبــي لو ظل يون
من دمعتـــــه ذاب الجفـــن == والروح تبچــي إو ضارعه
ـــــ
والروح ما ظلت بعــــــد == طلعت مشت عن الجسد
وَيْ فاطمه عدها عهد == بعــد الوديعه ضايعه
ـــــــــ
بعد الوديعه حايـــره == بالبيت زينب دايره
طول الليالي ساهـــــــــره == وإعيون تجري إو دامعه
ــــــ
وإعيـــــون ذوبها الألــــم == نزفت دِمَه تجري إبكرم

تلعن فعل كل مَنْ ظلم == والطيبه بالهم قانعــــه
ــــــــــــــــــــــــــــــــــــــــــــــــــ ــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=202a3a74c9

[عبدالله خلف العتابي]

السلام عليكم
شاعر اهل البيت(ع)
المبدع جابر النجفي
صدقت والله ياجابر (ضاكت عليه كل دنيته++فارك حبيبة غربته)
ساعد الله قلب مولاي في تلك اللحظات العصيبه موفق اخي
بحق الزهراء وحشرك الله مع محمد واهل بيته (ص)
يوم الورود ويوم تخف الموازين واسال تعالى ان يحميك
اخي جابر ارجو وليس طلب استمر في ابداعك الموالي
الصادق ولايثني عزمك قلة الردود لااعلم ياجابر ماالسر
في ذلك اليس من الواجب علينا تشجيع الموالين بل
يجب ان ننحني لهم اكراما كونهم يخدمون لاهل البيت(ع)
دون ان يطلبوا شيئا بل يطلبون الثواب واحياء ذكر الال
بالله عليك ياجابر كيف تحكم الم يعلموا ان من شجع ودعم
شعراء الحسين لهم اجر مثل اجر الشاعر مادري والله
كيف يحكمون وفقك الله وتقبل مرور ولهان وعاشق للحسين(ع)
تلميذك المبتدا
والاقل دوما
عبدالله العتابي